《魚缸博客》特斯拉唔好景，比亞迪會好得去邊？

　　《魚缸博客》本地魚缸今日先跌後揚，接近中午收市時升逾１００點。博客今日想講下電動
車股，由於連續多月的減價行動，導致特斯拉第二季度盈利能力萎縮，第二季度營業利潤率降至
９﹒６％，連續第三個季度下滑。不過，該利潤數字仍高於預期水平。
　　特斯拉周三（１９日）在給股東的信中宣布，季度銷售增長４７％，至２４９億美元。分析
師此前預計該公司銷售額為２４５億美元。剔除特殊項目後的季度利潤為每股純利９１美仙，高
於華爾街預估的８１美仙。
　　特斯拉行政總裁馬斯克（Ｅｌｏｎ　Ｍｕｓｋ）警告，環球經濟動盪，可能進一步打擊特斯
拉的邊際利潤率。特斯拉周四（２０日）收市價急挫９﹒７％。
　　消息拖累本地相關股份向下，比亞迪（０１２１１）首當其衝，股價一度跌１﹒６５％，低
見２６２﹒４元。睇返走勢，比亞迪似營造雙頂。既然特斯拉預告環球經濟動盪，可能進一步打
擊特斯拉的邊際利潤率。相信比亞迪亦不能倖免，加上走勢現雙頂，若果有乜風吹草動，例如股
神巴菲特又再沽貨，比亞迪隨時跌到２４０銀都唔奇，暫時都係睇定啲先。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。