《魚缸博客》阿里巴巴（０９９８８）嚟緊可能有重大人事變動？內地媒體報道，張勇可能
卸任阿里巴巴集團董事會主席兼首席執行官，未來會專注阿里雲嘅業務發展。至於張勇之後嘅繼
任者，暫時仲未知係邊位。阿里巴巴官方仲未對消息作出回應，但有阿里巴巴管理層人士回應指
，上述消息「９０％屬實」。
阿里巴巴早前宣布實施「一拆六」架構重組，新架構下，阿里巴巴集團作為控股公司，持有
六大業務集團同其他業務公司，六大業務集團由各自ＣＥＯ同董事會獨立運營。其中，阿里雲會
由張勇擔任董事長兼ＣＥＯ，計劃喺未來１２個月完成分拆上市。喺外界眼中，呢個係阿里集團
最高管理者張勇從業務到管理嘅「全面放手」。
呢單消息未有令阿里巴巴股價急挫，早段跌近２％。睇番股價前日喺１００天線以上收市，
但之後一日即刻跌番落去，今日暫時繼續畀條１００天線壓住，加上其他科技股都處於回調階段
，短線下試８５銀嘅機會唔細，無貨嘅朋友可以再等多一陣，８５銀先出手都未遲！
《編者按》本欄搜羅即市傳聞，惟消息未經證實，《經濟通》亦不保證內容之準確性。
第九屆「傳媒轉型大獎」請投etnet經濟通一票！ ► 立即行動
