《魚缸博客》科技股經常熱炒，華大科技今日受捧！

　　《魚缸博客》恒指點都唔肯衝上二萬點，反映大家對後市睇法都仲係謹慎，所以目標都落係
個股方面，今日最亮麗就係隻中國華大科技（０００８５），上個禮拜公司收市後公布，預期截
至２０２３年６月３０日止六個月，錄得歸屬於公司權益持有者之綜合溢利介乎６﹒１億元至
６﹒５億元，而去年同期溢利為２﹒０３億元。　　　
　　溢利預期增加的主要原因的收入較去年同期有所增加，部份主要產品首季銷售價格仍然高企
，整體毛利率較去年同期有所上升。
　　睇返公司業務，主要做智能卡、射頻識別以及無線通信領域，具備研發設計和應用開發，產
品包括中國公民所使用的第二代居民身份證、社保卡、加油卡、電信卡、電表卡、交通卡、無線
網絡設備等。　
　　雖然華大科技唔係做咩高科技晶片，但呢類射頻識別晶片一路都有固定需求，不論係身分認
證、商業用途認證等等，反映內地經濟復甦，公司、政府係更換證件、智能卡出入都多返，某程
度都係好事。
　　公司近期股價長期係一蚊咁上落，今日大陽抽上接近１﹒７元，建議等股價回落到１﹒３至
１﹒４元咁上下可以入少少短炒，睇返買賣盤都有唔少大行買貨，可以跟一跟風玩下！
　
《編者按》本欄搜羅即市傳聞，惟消息未經證實，《經濟通》亦不保證內容之準確性。