《魚缸博客》大師兄，你返嚟啦！講緊嘅係萬國數據（０９６９８），如果之前有聽博客講
，而家應該有賺到突啦？不過目前需要處理嘅問題係，究竟幾時沽好呢？
就睇返大市而言，博客覺得而家算係調整狀態，否則呢類二線科技股點會越升越有？錢基本
上仲係市場，只係淡友反攻罷了；所以萬國數據逆勢而上唔係無原因的。
另外，消息面上，主要國內有兩個個關於數據政策推出，包括國家發改委等部門印發《國家
數據標準體系建設指南》、中共中央辦公廳、國務院辦公廳公布《關於加快公共數據資源開發利
用的意見》，主要都係講數據處理標準，同埋國內對於呢種數據處理貴規範，國家出得呢類標準
，意味未來需要將會慢慢加大。
大行點睇呢？美銀證券此前研報指出，對萬國數據增長保持樂觀，認為國際市場需求強勁，
第二季已使用的總容量為１０１ＭＷ，管理層預計利用率將會快速上升，在未來２４個月內將增
加２５７ＭＷ至３５８ＭＷ，意味著將較第二季增長２﹒５倍，顯示公司未來業務將有強勁的擴
張。
其實未來都係ＡＩ時代，呢種數據公司需求只會有增無減？你問博客點睇？我就覺得中長期
上百蚊無難度，比較有信心啦！目前２１蚊雖然睇落係高位，但可能係明日低位，畢竟國內有呢
個規模嘅公司都唔算多。
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》從心理學角度看成癮：點解沉迷？點樣算上癮？一個關鍵指標！邊類人最難以自拔？► 即睇
