《魚缸博客》自從大市升上２３０００跌落黎之後，好淡兩軍成日打大交，一時升５００點
又倒跌，一係好似今日咁，跌５００點又反彈正數，呢啲位玩正股就無謂，不如玩牛仲好。
其實北水呢期十分活躍，我認為係一隻「無形之手」控制緊個點數，學阿爺話齋，股市資金
唔可以過熱，但又唔可以跌得太過份，慢慢去烹調呢隻「慢牛」咁就為之ＶＥ∼∼∼ＲＹ
ＧＯＯＤ啦！慢牛而家就係大政策，所以淡友想對賭確實幾難，因為你無可能同幾萬億資金抗衡
。
睇返牛熊證街貨，２０１００－２０１９９、２００００－２００９９、１９９００－
１９９９９呢三區牛證最多，分散地分布防守；相反係２２１００－２２１９９熊證得一區頂住
，上面都無咩街貨可言。
可以點樣解讀呢？博客就認為，之前２３０００個下跌落黎太急，券商未有機會開到期指整
熊證；另一種解讀就係，目前牛熊街貨係七三比，其實大市整體係「向上睇」，開咁多熊證轉頭
俾人殺晒都無咩為啦。
好似今日咁，跌５００點掃牛已經好和味，相對地呢種場景玩牛熊就比較容易捉到路，如果
要跌返落２００００點樓下應該機會不大，目前２１０００點有三支燭頂實，假如多兩支係呢個
關口落唔到去，即係「彈弓」開始壓實，調整開始預備第二浪升幅。當然，你有多啲子彈梗係玩
期指，玩細期好啦！
有時候有啲嘢真係無得鬥氣，之前升得咁急，跌２０００點震下散戶都好正常，總之而家個
世界講「慢活」，炒股要「慢牛」，食肉要講「慢煮」，俾小小耐性啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》從心理學角度看成癮：點解沉迷？點樣算上癮？一個關鍵指標！邊類人最難以自拔？► 即睇
