《魚缸博客》早前都講過，一隻【黑神話：悟空】牽起打機熱潮，不過都係ＰＳ５同電腦；
其實手機Ｇａｍｅ一直都係遊戲界嘅重中之重，博客半個童年都係由手機遊戲養大。
剛剛ＩＧＧ（００７９９）出左業績，中期收入約２７﹒３５億港元，按年升９﹒４５％；
公司權益股東應佔溢利約３﹒３１億港元，按年扭虧為盈；經調整淨收益約３﹒４７億港元，去
年同期經調整淨虧損約３﹒３４億港元；每股基本盈利０﹒２８８港元，中期股息每股８﹒５港
仙。
今時今日重有股息派真係奇蹟，雖然唔算多但起碼有啊！唔知大家有無聽過一種經濟學說，
就係話經濟下行╱經濟最差個陣，大家對於低消費娛樂反而會發費更多！其中就包括埋遊戲，大
家哩係屋企唔出街咪唔洗錢囉！
其實都係偽命題，你就算留係屋企，一樣都係碌信用卡買遊戲道具。公司表示，《
Ｄｏｏｍｓｄａｙ：Ｌａｓｔ Ｓｕｒｖｉｖｏｒｓ》與《Ｖｉｋｉｎｇ Ｒｉｓｅ》的新銳發
展，以及ＡＰＰ業務的亮麗表現，集團中期收入同比增長９﹒４５％。集團經典產品《王國紀元
》上線八年，為集團貢獻１３﹒４億港元收入，其實博客對《王國紀元》可以Ｋｅｅｐ到咁耐，
都覺得幾意外，起初覺得呢隻Ｇａｍｅ未必咁有潛力，點知越玩越有。
不過今日股價越升越有就證明一切，ＩＧＧ今早裂口高開，估計短期內都仍會有炒作，目前
睇係４﹒１原有個阻力位，如果連續多日有資金流入，可以試下現價入手再短炒一輪都係唔錯選
擇。
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》關於「沉迷成癮」：點預防同戒甩鋪癮？最重要改變一樣嘢！追星都算成癮？► 即睇
