《魚缸博客》博客係時候同大家上下科學堂，現今世界有好多新能源可以代替化石燃料，除
左風能太陽能，仲有「核能」，話說最近有科學家研究「核聚變」有新進展，係可見未來可能有
機會投入商業化！「核聚變」同「核裂變」又唔一樣，前者安全無破壞，只係需要「水」就可以
運作；後者就有核輻射危機，而且鈾會有用盡一日。
不過今日唔係講「核聚變」相關股，而係有隻陽光油砂（０２０１２）股價突然炒起，原因
係公司訂立非約束的諒解備忘錄，擬向挪寶能源控股收購其全資子公司，預期發行普通股支付對
價。呢個挪威公司主要為利用淺層地熱高溫熱泵技術，來替代傳統的燃煤、燃氣等能源供暖方式
，為中國北方地區客戶提供供暖製冷服務。
油公司唔玩油玩地熱咁有趣？不過你唔好理，股價就係炒起，皆因油價、煤價係咁升，用地
熱簡直就係免費廉價；不過公司都強調，倘完成收購後，該技術預計可以同樣應用於該公司在加
拿大的石油生產上。
即係話，連化石公司都要開始轉營，發展多元化業務，可見未來邊個掌握新技術，邊個就掌
握財富密碼，好似陽光油砂都開始玩地熱，前途一片光明，目前股價仲係一蚊，短期內可能會有
炒作，如果有興趣可以入少少放倉底都抵玩。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】以色列遭受伊朗導彈襲擊，拜登稱不支持攻擊伊朗核設施，惟與G7領袖同意以方「合乎比例」回應，你是否認同？► 立即投票
