《小傳日記》多得美國通脹回落，魚缸終於真係有啲升嘅感覺，升上１８０００關仲有成
１３００億銀成交，ｃｏｎｆｉｒｍ埋聽日都企穩１８０００就應該真係有得升！
不過大升市之下都救唔起隻科技探索（０１１３７）。「ＨＫＴＶｍａｌｌ愈來愈抵買」，
如果用來做呢期嘅廣告ｓｌｏｇａｎ都相當吸睛，既講到啲貨，亦講緊隻股。３月大跌以來喺
４﹒５銀磨咗半年，８月出咗盈警就繼續跌，到而家已經連３蚊都不保，係真正嘅「愈來愈抵買
」。
但近期ＨＫＴＶｍａｌｌ就砸大錢賣廣告，相信大家搭地鐵都會見到，一排月台燈箱廣告，
仲要一來就係全個月台兩邊線嘅全排。ＨＫＴＶｍａｌｌ今次廣告主題就打「阿媽牌」，搵來唔
同背景嘅阿媽用家，一人一句ｂｉｔｅ來做廣告，大賣有幾方便阿媽買餸。科技探索就公布，今
輪廣告由１１月落到１２月，係２０１５年之後再喺港鐵做嘅超大型推廣活動，總共豪使超過
６５００萬銀。咁都未夠，ＨＫＴＶｍａｌｌ仲公布將會向全港每個符合資格嘅帳戶派發總值不
少於３０００銀嘅現金券，預計總共會派出３億銀嘅現金券。
今次ＨＫＴＶｍａｌｌ可謂ａｌｌ ｉｎ式賣廣告，使６５００萬銀落廣告，但係中期純利
都係得４８６９萬銀，可以話將賺到嘅錢都賣曬廣告，仲未計大派３億現金券，難怪有份幫手賣
廣告嘅千頌Ｃ都話「無眼睇」。
事實上科技探索中期按年賺少六成二，連派咗兩年嘅８仙中期息都唔派，先搞到而家連３蚊
都不保。撇除年初因為高基數而出現嘅每月商品交易額按年下跌，雖然下半年每個月嘅商品交易
額恢復按年回升，不過整體都係得單位數升幅，實在比較難見人。所以今次豪賣廣告，每個月商
品交易額起碼有返雙位數升幅，先可以平得返呢筆６５００萬銀，再加埋３億銀嘅宣傳開支，如
果維唔返皮，恐怕全年業績轉蝕都有可能！請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
想要獨家投資理財Tips？即Like etnet 全新Facebook專頁► 立即讚好
