《小傳日記》神州而家推行緊「三孩政策」，主要就係為咗應對人口老化而推出。但係而家
老人家愈來愈多，生得小朋友來未必顧得掂老人家。為咗要照顧好班老人家，神州近期就興起老
人陪診服務。
雖然話陪診好似剩係陪老人家覆診，但係有照顧老人家都知，覆診時陪診要具備嘅嘅資訊唔
係一時三刻就可以吹得到，包括而家食緊咩藥，之前幾時覆診過，平時起居飲食係點，食、痾、
瞓係咩狀況，因為老人家自己都未必記得，身為陪診者最好就要幫老人家講到。唔止咁，如果行
動不便嘅，更加要識得幫手照顧出入。
而神州嘅陪診服務，最基本要幫老人家攞籌、畀錢、候診、攞藥、檢查等等，仲可以幫老人
家攞檢驗報告。用家可以喺美團（０３６９０）旗下大眾點評上面，搵到一啲提供陪診服務嘅平
台，不過通常都唔係老人家自己落單，而係中青年仔女落單要人陪自己父母覆診。
未來老年人口只會愈來愈多，所以護老行業都有望會愈做愈大。如果睇返香港，需要陪診服
務嘅老人家通常都係獨居長者，但佢哋又未必可以負擔得到陪診費用，要佢哋畀陪診費仲寧願自
己去睇。所以香港呢一瓣通常都係留畀社工，又或者其他義務機構去做，如果要當成一門生意，
恐怕真係作為不大，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
第九屆「傳媒轉型大獎」請投etnet經濟通一票！► 立即行動
