《小傳日記》魚缸無乜好炒，所以呢兩日都係窄幅上落為主，主要都係因為炒衍生工具嘅上
落，整體來講係無乜郁動。
而近期網上就流傳，有人喺旺角港鐵Ｅ出口對住朗豪坊嘅街頭貼大字報，控訴被富力
（０２７７７）呃入大灣區地產騙局，將寫字樓項目包裝成住宅出售，結果最後起唔成令一班業
主血本無歸。據講班業主本來係循正常途徑示威維權，但都無結果，最後就唯有向曾經去過富力
商演嘅名人埋手，將郭晉安、麥玲玲個名都寫埋上大字報，希望多啲人留意。
大字報就話郭晉安同麥玲玲有份代言嘅富力地產項目，但係其實郭晉安只係曾經出席過一次
富力嘅發布會同唱過幾首歌，而麥玲玲都係去過一次講座活動分享吓風水知識，兩位都唔係正式
代言富力，所以大字報話佢哋代言，又話麥玲玲睇錯風水樓，嚴格來講真係有可能係誹謗。不過
相信班業主都係走投無路先要出此下策，再追究都無咩意思
原來早喺５月已經有加拿大嘅香港移民以同樣嘅大字報手法抗議，原來喺當地有成２００幾
個業主疑似都係買咗同一個富力地產項目，包括香港人、澳門人等等，都係聽信中介就決定買樓
，甚至無去過現場就扑槌買樓。有受訪示威者就話，以２１０萬港紙買咗一間８４８呎嘅單位，
點知之後先知係寫字樓，據講其後富力願意賠償樓價嘅２０％，但係買家當然唔會接受，於是先
要連月以來維權。
雖然搞到咁大件事，但係今日富力都無停牌或者出通告，如常交易之餘仲要升１巴仙有多，
睇來班業主要成功引起關注都仲有好長路要行，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
樂本健【雙11感謝祭】雙重優惠、多買多賞► 了解詳情
