《小傳日記》阿里雲通義萬相可以生成相似圖，版權歸邊個好？

　　《小傳日記》上星期巴巴（０９９８８）旗下螞蟻就被中證監公布要罰７１﹒２３億人仔，
雖然罰得甘，但係孖屐覺得終於公布罰則反而係鬆一口氣，上星巴巴就是升３巴仙到，今日最多
升過５巴仙，不過８９銀、９０銀前阻力都大少少，最後今日都係升３巴仙左右。
　　上星期除咗螞蟻終於鬆一口氣之外，阿里雲都發布ＡＩ繪畫創作大模型「通義萬相」，一聽
就知係之前「通義千問」嘅兄弟姊妹。阿里雲首席技術官周靖人就話，通義萬相希望可以畀唔同
行業廣泛使用，包括電子商務、遊戲、設計和廣告等，甚至連藝術創作同創意表達都可以。
　　通義萬相可根據中英文指令生成唔同藝術風格圖像，包括水彩畫、油畫、國畫、動畫、素描
等，仲可以改變原圖嘅風格，連解像度、構圖準確度都可以糾正返。就算係同一張圖、同一個風
格，都可以重新生成一張「相似圖」。
　　不過諗落相似圖生成都仲有好多疑慮，如果內容同風格都一致，咁相似成點就會觸犯知識產
權？雖然而家用Ｇｏｏｇｌｅ就可以搵到好多張所提供指令嘅圖，但起碼原圖都版權，正規做法
一係要畀錢買圖，一係要引用時列明出處。但係基本上ＡＩ生成所生成出來嘅圖，版權係屬於
ＡＩ模型，如果ＡＩ模型係基於某一幅有版權原圖來生成，咁用家引用咗，咁會係計ＡＩ模型侵
權定係用家侵權？其實而家都無好講明究竟要相似度有幾多先構成侵權，如果ＡＩ生圖，甚至係
相似圖ＡＩ興起，咁到時知識產權嘅定義一定要好清楚。
　　如果要用科技同科技拗手瓜，如果每一張相似圖嘅生成結果，都可以用
ｂｌｏｃｋｃｈａｉｎ來記錄返係由邊一張圖生成出來，即係每張都會自帶原圖嘅資料，就可以
徹底保護知識產權，不過都只係一個奇想，實際上都要ｂｌｏｃｋｃｈａｉｎ普及先可以做到，
請請！
　
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。