07/11/2018

10個女人9個感興趣的事:如何秘密查看男人的手機?

  • 加入最愛專欄
  • 收藏文章
  • Ayu 阿愚

    Ayu 阿愚

    曾任職傳媒行業,不學無術,筆耕半生才悟出「識人好過識字」的大道理。患有輕度社交障礙,依靠與異性溝通來緩和不安情緒;習慣在單身主義與渴求歸宿的兩極中矛盾穿梭。

    我單身但我快樂

    逢周三更新

  周末閨密飯聚,是夜話題由人妻F提供:「你哋有無懷疑過,發明用指紋解鎖嗰個係女人嚟?以前想check老公電話成日要偷睇佢撳密碼,而家慳返!趁佢瞓覺拎佢個電話嚟印一印就開到。」

 

  天啊!這個年頭的女人真不簡單,憑著一點小聰明,科技盲也可以找到破案關鍵。

 

  但前提是,為何要偷看他的電話?是有甚麼東西令人生疑嗎?

 

  「無㗎,基本上佢日日放咗工都係返屋企食飯,間中都會自己一個人落街跑步,但應該唔會運動look出去偷食呱!但係有得check當然睇緊啲好,睇吓佢近來同咩人來往最多。你知嗎?有時你見到個名叫Eric就以為一定係男人,其實真身可能係Erica都唔定,所以點都係check埋短訊內容穩陣啲……」F說。

 

Read more:戀愛NG行為:明知會破壞信任關係,伴侶手機還是忍不住偷看? 

 

  夫妻之間說好的信任呢?沒有半點蛛絲馬跡,才努力去找出破綻,自從跟她在一起之後,他這輩子都成了嫌疑犯。

 

  另一位朋友說:「你就好啦!我老公淨係用密碼解鎖,但我估極都唔中。有時臨瞓都仲見佢同人whatsapp,但又查唔出係邊個。」

 

  「你又望唔到係邊個,咁肯定佢哋用whatsapp?所有可以send Private Message嘅apps都有可能㗎,我聽過有人會用Carousell扮買賣嚟聯絡,所以check電話一定要好徹底,所有social media同email固然要啦,另外做交易都唔可以放過,仲要睇吓佢payme會俾錢乜嘢人。」F用專家口脗回答。

 

  我想不通,F到底是用怎麼樣的心情來進行「調查」。高興,當然是因為一無所獲;傷心失望,是因為終於證實了自己的疑心病是有根據嗎?說不信任這個人,並不是因為他不可信,而是出於她的好奇心,與及這世俗對男人應有的基本質疑,公平嗎?

 

  F說:「如果佢想睇我電話,我都可以俾佢睇㗎,反正我光明正大;調返轉,佢如果無嘢,點解介意我睇佢電話先?」

 

  她說的對,光明正大自然不擔心會被搜查,怕的人就是心虛了。只不過,行事磊落,卻被看成嫌疑犯,多少缺了點尊重。

 

  「兩夫妻之間係唔應該有秘密㗎,唔係唔尊重佢,我用我嘅方式去了解佢多啲啫!」

 

  我無言了。

 

  怪不得後來科研人員又再努力研發Face ID和種種人臉辨識技術了。套用F的說法,後來那些具備感測器掃描、要求使用者在睜眼狀態下作「立體識別」才能解鎖的手機,想必都是鬼竄男人的傑作了!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【香港好去處】2025去邊最好玩?etnet為你提供全港最齊盛事活動,所有資訊盡在掌握!► 即睇

我要回應8
You May Also Like

版主留言

Comment

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 山小涼發表於 2018-11-11 11:33 PM
  • #9
  • 就算係兩公婆,都應該要有番自己嘅私人空間啊???比佢老公知道咁樣check佢,反面都似。
  • 回覆 | 引用 | 舉報
  • 2月的羊羊羊發表於 2018-11-11 11:29 PM
  • #8
  • 我覺得偷睇人哋個手機係唔尊重對方,就算對方係自己好親的人都好,到底係真係咁無法相信對方?還是其實係有偷睇人哋啲嘢嘅癮?
  • 回覆 | 引用 | 舉報
  • 丁瑤發表於 2018-11-9 11:35 PM
  • #7
  • 好明顯尼個F人妻本身都好有問題啦,唔係話自己唔介意比人查電話,就等同於佢可以查人電話,講到底佢都係唔信任佢老公姐,想要透過查電話去滿足自己安全感。
  • 回覆 | 引用 | 舉報
  • 黑心大帝發表於 2018-11-9 10:42 PM
  • #6
  • 其實,尼個人妻F知咁多查另一半嘅方法,我覺得作為佢嘅另一半應該好辛苦吧,又或者佢嘅另一半有前科,所以先令佢咁神經敏感。
  • 回覆 | 引用 | 舉報
  • benng1993發表於 2018-11-9 12:49 AM
  • #5
  • 侵犯私隱真係大罪黎
    人人生而平等,無可能比秘密警察監視!
    依樣我同我某任女朋友係勁嘈.
    依個係尊嚴問題
  • 回覆 | 引用 | 舉報
  • 吡吡發表於 2018-11-8 02:50 PM
  • #4
  • 第一招:唔該走光嘅地方,借故走少少佢睇到啲又睇你唔到

    第二招:香水要識揀,如何揀?
    唔好信自己,信靚女,自己妒忌嘅靚女,越要埋佢身聞下佢陣味,
    之後拿拿林去買番支學佢一樣嘅香水,何解?
    扮唔到佢咁靚,有佢陣味,啲男人追佢唔到咪追你囉,
    好多男人俾女人香味迷到架!

    第三招:用住上高兩招先啦,忙緊.....
  • 回覆 | 引用 | 舉報
  • 吡吡發表於 2018-11-8 02:37 PM
  • #3
  • 令到男人對自己感興趣,你阿愚會唔會覺得開心呢?如果你唔會,並且得有難度,咁你就弊家伙嘞!不過唔使怕,肯聽我教嘅話,包你有得救.......
  • 回覆 | 引用 | 舉報
  • 吡吡發表於 2018-11-8 02:33 PM
  • #2
  • 查看男人的手機唔算正常女人黎架呀愚!另男人秘密查看你手機,你至算得上女囉計我話。
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
The Philosophy of love
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ