白背木耳蘋果紅棗湯

 

　　上一期教授的去脂湯水，唔知大家有無煲來飲呀?

 

　　要減肥唔係單靠運動，要從日常飲食中慢慢去調理。有些朋友其實可能唔係肥，可能係水腫，或者血脂過高，形成身體腫脹。

 

　　白背木耳有清血管降血脂的作用，除左用來煲湯，大家都可以用它來炒西芹或配合其他菜式都有一家的食用療效。蘋果有助腸胃消化，刺激腸道蠕動，促進排便。

 

　　大家記得食材有甚麼療效，就容易掌握及去控制自己唔好亂食啦 !

 

烹煮時間 : 2小時 30分鐘

 

材料(4人份量) :

 

 

　　白背木耳 2塊、蘋果 3個、去核紅棗 10粒、陳皮 1/4角、瘦肉 300克、清水 2500毫升

 

做法 :

 

 

　　1. 蘋果清洗，去芯切件。

 

　　2. 白背木耳用清水浸軟去蒂，切成小片。

 

　　3. 紅棗沖洗，陳皮浸軟，刮去表面白色囊沖洗。

 

　　4. 瘦肉沖洗後，可以預先用滾水煲3-4分鐘去除表面污垢。

 

　　5. 將清水放入大鍋內，將所有材料加入，用大火煲至滾起，才改用中火煲2小時，加入適量鹽調味即成。

 

韋太小貼士:

 

　　1. 此湯能健脾及消脂解滯，白背木耳有清血管降血脂之用。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇