早幾日強颱風「山竹」襲港，各區因而遭受嚴重破壞。雖然星期一朝早落咗「8號波」，但由於街外仍然一片狼藉，最終搞到巴士停駛，港鐵亦只能有限度咁提供服務。而最慘嘅就莫過於一班打工仔，明明一早就起身出門口返工，但偏偏等車等咗兩三個鐘，途中仲有可能被腦細催問「返到邊？點解未見人？」真係諗起都覺得一肚冤屈無路訴！

　　不過亦有打工仔遇著個好腦細，一早就被通知可以home office，唔駛嘥時間同人逼港鐵，認真羨慕死人！所以小編就特意上網搜索了一下，希望可以從各大網友身上了解下唔同腦細會有咩唔同嘅颱風後復工安排，仲將佢哋嘅反應分咗正負兩面共6個級別，由好腦細代表嘅「＋Level 3」，講到衰腦細代表嘅「－Level 3」！

　　仲唔即刻睇下你腦細屬於邊個級別，然後再認真諗下，咁樣嘅腦細究竟值唔值得你（賣命）跟隨？