【晴報專訊】近來人氣旺盛的男團MIRROR下月開騷，「鏡仔」們密密推出solo新作，成員Anson Kong（江熚生）主打的新歌《黑之呼吸》，似為自己今年初在《叱咤樂壇頒獎典禮》失獎「黑面」一事平反。AK自認性格直率衝動，即使每一個表情都給外界無限放大，他仍選擇忠於自己，只要不傷害到別人便可。

　　Anson Kong的新歌《黑之呼吸》有別於以往的情歌作品，歌詞頭兩句「人們剖析我的臉，不發一語呼氣吸氣便引動謠言」，正是呼應AK在叱咤頒獎禮上，輸給隊友柳應廷（Jer）而失落新人獎，在台下「黑面」的經典一刻。AK表示事件只是歌曲部分借鏡，他希望透過新歌，表達自己的內心世界：「喺呢個世界究竟點樣表現自己情緒？好多人話要做自己，但當你真係做自己，又會收到好多抨擊；但最矛盾係如果戴住面具去面對世界，人哋會覺得你虛偽、好假、官腔。人有情緒、喜怒哀樂，應該好好珍惜呢份禮物，只要唔好傷害人，就可以好好去抒發情緒。」

AK在新歌《黑之呼吸》中嘗試rock爆風格外，更在MV中大曬腹肌。

沉淪失獎傷心情緒

AK在叱咤頒獎禮上「黑面」一幕，有人批評他小家，亦有人讚他敢於展露真性情，在圈中實在難得。

　　AK回想在頒獎禮上「黑面」時說：「好多人知我性格直率、夠真同衝動，坦白講過往都碰過好多次釘，頒獎禮只係其中一次。我承認當晚做得唔好，掛住沉淪喺自己嘅唔開心入面，無第一時間恭喜隊友，呢樣係我做得唔好嘅地方。」他坦言當時的表情只是失望呆樣，「當刻我嘅情緒只係對自己失望，對自己成績唔理想而傷心，單純係呢個感覺，個腦運作唔到，但唔可以用一秒鏡頭就斷定我係乜嘢人。講真，人同人之間相處一段時間，都未必真正認識對方，更何況戴住口罩嘅一秒鏡頭？」他表示事件讓他上了人生重要一課，但說不上委屈，因為總不能夠要求全世界都明白自己。

AK來個賣萌的陽光笑容，冧爆不少女粉絲。

　　在MIRROR中感覺較剛強的AK，原來小時候竟然經常被欺負，他笑說：「我小學嗰陣被同學偷乒乓波拍，因為我喺塊拍度寫名，同學用塗改液遮住，但又跟住我個名嘅筆劃去塗，好明顯睇到『江熚生』呢三個字。我最後咪拎番，放落自己書包囉！因為我唔會踢爆佢，所以真係成日被人蝦。」升讀中學後，AK加入校隊踢波，競技心變強，亦不會再做弱者。

偶像不能做一世

　　直率不遮掩的個性，在娛樂圈中似乎相當難行，但AK認為性格不能斷定一切，他只是單純想表演給大家看。「外界可能認為MIRROR係偶像，我唔覺得自己係，偶像行唔到一世。我知自己目前實力未係最好，呢一行增強實力先係最重要。我覺得自己無乜嘢偶像包袱，我拍ViuTV《打天下》第一集就露股。我同MIRROR所有兄弟一樣，做應做嘅事，因為我哋由比賽開始就明白，機會來得不易。」

MIRROR日前入營拍攝新節目《調教你MIRROR》，12子在梁祖堯「調教」下找到更明確方向。（FB圖片）

　　12個「鏡仔」中，AK笑言自己嘈吵、直接的性格容易凸顯出來︰「所有嘢唔經修飾就做出嚟，呢個係我可惡、亦係可愛嘅地方。我同fans都係咁講，只要唔好傷害到人，當然選擇做自己會舒服啲。呢個世界好多嘢同以前唔同，運作唔同咗，發生嘅事都愈嚟愈複雜。呢幾年大家情緒、能量都好似好差咁，既然做乜都有人批評，點解唔舒舒服服做自己？」