【晴報專訊】新冠肺炎疫情嚴重，不少生意大受影響，張栢芝經營的時裝店亦要暫停營業避疫。近來若非外出買餸便留在家中的栢芝，前晚在家難得不用戴口罩，便與二仔Quintus拍片放上網，又自爆沉迷玩電話，引致嚴重頸痛要戴頸箍。

Quintus邊吃東西邊入鏡，十分搞笑。（影片截圖）

　　張栢芝平日愛在社交網分享生活點滴，因應肺炎疫情，栢芝不但「全副武裝」出街買餸，日前更po相分享買餸look，包括戴冷帽、滑雪鏡及口罩，穿上長袖衫及長褲等，笑言造型可能誇張，但以安全行先。栢芝前晚在家中繼續分享，在床上與囝囝Quintus拍片放上網。片中栢芝大曬無口罩靚樣，在手機濾鏡下變成一頭粉色頭髮，又搞笑地問Quintus好不好看。而Quintus則一邊吃東西一邊答話，栢芝即說：「唔好喺床度食嘢！」

張栢芝戴住頸箍躺在床上自拍，無損靚樣。（影片截圖）

　　不過，最矚目的是栢芝全程戴上白色頸箍，她自爆因經常低頭玩手機所致：「條頸開始好痛，臨瞓前盡量戴住（頸箍），就算玩手機條頸都唔會屈落去，好好多，痛咗好多日，戴咗幾日起碼個痛無咗。」她坦言頸痛難以形容，呼籲粉絲玩手機要小心，以免導致頸椎勞損。

撲口罩贈「老友記」

張栢芝昨日一早排長龍買口罩。（影片截圖）

　　另外，栢芝昨日又出動，原來她排隊買口罩，她在IG限時動態說：「真係攰到七彩，因為每人限買十個，我哋三個人買到30個。」她表示離開時見到有老人家買不到口罩，她將口罩分給對方，相當有心。她亦十分注重衞生，離開前特地用消毒用品噴完鞋底才上車，以免將病毒帶回家。