28/08/2019
囝囝英國考獲11科A* 森美激罕談家中高材生
【晴報專訊】商業電台前晚於尖沙咀舉行60周年台慶晚宴,主席何驥率領台前幕後影大合照。森美、小儀接受訪問,森美更主動報喜,在英國升學的囝囝最近考獲11A*的優異成績,森美戲言終於證明個仔是自己的!
森美、小儀在商台60周年晚宴上戴上「霸王」冷帽,造型搞笑。
森美在訪問時表示跟小儀已合作超過20年,但小儀笑稱十年前已經睇厭了對方。其後,森美說要多謝電台給他一個幸福家庭,因為太太當年投考DJ,兩人因而認識,如今婚後育有一對子女,他更自爆在英國留學的兒子考獲11科A*成績,森美興奮稱︰「佢喺香港會考成績麻麻,但去到英國有好成績,做老竇當然開心。(想囝囝讀完書留在當地發展?)前途交畀佢自己諗,作為父母都想佢返香港見多啲,就算香港幾難捱都好,一家人一齊先係最緊要。」
森美日前對兒子留言:「前面嘅路可以同你一齊看,但靠你自己走!」(IG圖片)
問到森美如何獎勵兒子?他即笑說︰「當時我講『I'm拋鑊you』(proud of),以佢為榮,我好少講呢句!覺得佢無白費心機,佢都好開心。以前都驚個仔唔係自己嘅,依家佢咁叻就知係我嘅!」
小儀驚訝金剛疑情變
另外,近日有傳金剛跟女友Nana感情生變,小儀驚訝表示︰「四日前仲見佢哋post好sweet嘅相,同雙方媽咪去旅行,唔好嚇我呀!諗住佢呢鋪打唔甩,佢哋好襯、好夾,真係唔知有咁嘅事,要問下佢。」
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情