【晴報專訊】羅霖（Candy）昨日到尖沙咀出席活動，她透露有人邀請她到內地舉行簽書會，惟主辦商事先表明沒有安排保安，Candy即時打退堂鼓，她直言︰「華哥（任達華）事件之後都好驚。」

羅霖和莊思敏昨日齊齊以性感打扮現身。

　　羅霖昨日與莊思敏、王灝兒（JW）出席「2019東方女神」選美發布會，剛在書展推出寫真集的Candy亦宣布喜訊，透露寫真集登上銷量冠軍，更吸引內地書商邀請她舉行簽書會。她說︰「主辦單位同我講話唔會有保安，咁多年喺內地做嘢，未試過無保安。」由於任達華早前在中山遇襲，Candy說︰「嗰件事之後好驚，兇徒好醒，趁啲嘉賓上台出手。（拒絕咗邀請？）如果無保安，相信公司都唔會贊成。」

任達華日前已回家休養。

　　問她在內地工作時可曾遇到突發事件？Candy說︰「內地fans好熱情，可能文化唔同，就算有保安，佢哋都會扯住你，試過畀佢哋扯住手臂，爭啲跌親扭傷腳。（有手多多？）有掂到少少㗎，都嬲嬲地。（衣着密實啲？）唔關事，着咩佢哋都會扯住你，又會攬住條腰。」