【晴報專訊】現年36歲的蔡卓妍（阿Sa）早前事先張揚有雪卵計劃，原來她已完成第一次雪卵。她笑言自己的卵子質素尚算不錯，又自爆過程中試過打錯針，幸好沒有流失卵子，但她笑言幾乎「嚇死」。

阿Sa表示完成雪卵後會立即操弗，希望練出容祖兒般的骨感身材。

　　蔡卓妍昨日到中環，出席英皇珠寶全新「Love Knot系列」鑽飾活動，更充當模特兒。阿Sa昨日笑言「趕住走」，原來她在活動後即趕往機場，與好姊妹鍾欣潼（阿嬌）去日本旅行。阿Sa表示Twins即將出道18周年，所以特地與阿嬌去旅行過「二人世界」慶祝。

阿嬌撇甩老公賴弘國，與阿Sa到日本shopping。

　　最近放假的阿Sa，原來已悄悄實踐雪卵大計，所以不能讓自己太操勞，目前亦只做早已接下的工作。她說：「為咗配合雪卵，我呢排食多咗少少，所以肥肥哋，個身粗咗，所以今日（昨日）特登換番件長外套遮一遮。」她表示已完成第一次雪卵，稍後打算做多一次：「第一次卵子數量係合格嘅，但我覺得儲多次穩陣啲，所以遲少少儲多次『生力軍』，始終年紀都唔細。」

未有結婚計劃

　　不過阿Sa自言跟男友石恆聰未有結婚計劃，所以亦未打算生育，問她打算何時才做媽媽？她說：「應該係十年內，因為雪卵有效期係十年。如果我50歲生，驚自己老。（黃澤鋒太太52歲才懷孕？）咁我依家有番啲自信！」她表示完成第二次雪卵後會積極keep fit，以準備在八月演出舞台劇。阿Sa提到雪卵過程中，要自己幫自己打針：「第一日打針有啲驚，就搵醫生幫手，點知未準備好，佢已經幫我打咗落肚，原來又唔係咁痛，之後我就有信心自己打。」

　　不過她曾擺烏龍打錯針：「當日我同爸爸、嫲嫲喺台灣旅行，要自己溝藥打針，點知打錯針藥，驚到立即打電話問香港醫生，醫生教我買試紙，睇卵子有無流失，好彩無事，嚇死我。」