薛凱琪（Fiona）紀念入行十周年，在紅館舉行兩場演唱會，好友方大同、鄭融都有到場支持。前晚，Fiona在兩度Encore下完成首場演出，她在台上六度變成大喊包。開騷前有傳個唱銷情不理想，但當晚所見，幾近全場爆滿。

穿透視裝的Fiona完場後受訪，但不想多提房祖名。

　　Fiona在後台受訪時解釋：「知道啲飛賣得幾好，我自己都有買。」至於被嘲是「大喊十」的她，坦言在綵排時已經喊到甩眼睫毛，又以感性解釋自己軟弱一面。在場有歌迷大叫她做「方大同老婆」和「方太」，Fiona笑說：「香港有一位很有名嘅方太，佢係教煮餸嘅，可能佢哋係叫煮餸嗰個方太啦。我知道大家想為我未來著想，同埋有個happy story。（有冇呢個可能？）我答有，佢睇完報紙會好開心，但我答冇，可能佢又會唔開心。」她強調沒有跟方大同拍拖。

短訊慰問祖名

方大同上台表演moonwalk，但沒有獻唱。

　　此外，因涉毒案仍在北京被拘留的房祖名，本應亦是嘉賓之一，Fiona解釋：「係請佢嚟睇，身為祖名好好朋友，一定想佢嚟。」問她可有託人慰問祖名？Fiona則避重就輕說：「私人慰問同自己send短訊嘅內容都唔會講，要尊重公司，同埋今晚開演唱會，遲啲先再答。」 

轉載自晴報