一文學識揀夏天當造水果！水蜜桃果溝淺＝軟綿香甜？唔使拍打，一望西瓜椗就知靚唔靚？火龍果、榴槤點揀？

【揀水果貼士】西瓜

1.    睇形狀：圓潤、頭尾勻稱！

　　和揀水蜜桃的方法大同小異，先睇形狀！西瓜外形以圓潤光滑、頭尾勻稱為佳！

2.    睇瓜紋：又深色又粗＝香甜！

　　成熟的西瓜通常呈碧綠色，事關西瓜在進行光合作用時，會產出大量葉綠素並呈現在瓜皮上，而瓜紋愈深色、愈粗，即代表果肉深紅、夠鮮甜！

3.    睇瓜蒂：又幼又攣＝香甜！

　　大家還可留意瓜蒂！如果瓜蒂又幼又攣，即代表西瓜生長於主枝，水分和養分都會較充足，甜度會較高！如瓜蒂有輕微內凹和乾燥，意味著果實是自己成熟後自然脫落，而不是在完全成熟之前摘下來的，也是好品質的保證！一旦大家發現瓜蒂乾中帶濕，則代表瓜肉快變壞，要盡快食用！

4.    睇瓜臍圓圈：小＝成熟！

　　睇完瓜蒂，還可以睇西瓜底部的瓜臍圓圈！瓜臍圓圈小而窄，表示西瓜已成熟；瓜臍大則表示西瓜成熟度不夠！如果瓜臍已破裂，有可能已受蟲害，應避免購買！

5.    聽拍瓜聲：清脆響亮＝多汁！

　　用手輕拍西瓜，如果聲音清脆響亮且有輕微震動感，表示西瓜的水分充足，夠晒多汁！

（圖源：pixabay）

即睇揀水蜜桃、火龍果及榴槤小貼士！

【揀水果秘訣】火龍果

1.    睇顏色：愈均勻＝品質愈佳！

　　火龍果愈紅就愈甜？不一定！最緊要是顏色夠均勻！愈均勻，則口感及品質愈佳！

2.    睇鱗片：呈反捲、硬挺＝全熟新鮮！

　　無論是白肉火龍果還是紅肉火龍果，只要鱗片反捲（即尾端看起來像蓮花），而且大部分轉紅，而尾端呈現少許綠色，即表示果實全熟、汁液飽滿，是最佳的賞味階段！如果鱗片觸感較硬挺，意味是剛摘下來不久，很新鮮！

3.    睇葉萼：愈青綠＝愈新鮮！

　　愈青綠愈好！如果已經枯黃或軟爛，即表示果實不新鮮！

4.    睇果身：有蚊叮「傷口」＝有果實蠅叮過！

　　如果火龍果表面有一粒粒凸起、像蚊叮的傷口，很可能是果實蠅叮過的痕跡，果肉裏面或已長蟲及腐爛，故不宜選購！

（圖源：pixabay）

即睇揀水蜜桃、西瓜及榴槤小貼士！

【揀水果秘訣】榴槤

1.    睇果柄：鮮綠色＝新鮮！

　　用手指甲輕刮果柄的皮，如果是鮮綠色，即代表新鮮！

2.    睇大小：切忌貪大！

　　切忌貪大！榴槤愈大，其形狀分布愈不均勻，有機會出現一邊熟、一邊不熟的情況！最好選1.2kg至1.5kg的中型榴槤！也可留意榴槤尾部出現的星星紋路，愈多紋路代表愈多瓣，但多也不一定好，因為有時剝開來會發現瓣內沒有果肉！

3.    睇／聞尾部：已裂開＝不要！

　　不要挑選尾部已裂開的榴槤，因為暴露在外的果肉在接觸空氣後會很快會變壞！另外，可以把手「Ｃ」字型放在榴槤尾部，然後聞一聞，如果聞到濃郁的香味，即代表已成熟。

4.    輕搖榴槤：區分乾包、濕包！

　　將雙手手指分別放於榴槤尖刺之間的凹陷處，然後輕輕拿起榴槤，再輕輕搖晃，如果感覺榴槤肉在郁動，即代表果肉已成熟且已脫離果殼，是果肉硬身結實、拿上手不會黏的「乾包」！至於「濕包」（即果肉較腍身、入口軟滑，就像吃雪糕一樣），因為果肉會黏著果殼，較難聽出聲音。其實「乾包」和「濕包」只是用來形容榴槤的質地，與品質沒太大關係，大家可按個人喜好作選擇。

（圖源：pixabay）

即睇揀水蜜桃、西瓜、火龍果貼士！