名牌或大減價其中一樣都足夠令女人雙眼發光、心動不已，當兩者加在一起，出現瘋狂大搶購的情況一點都不教人驚訝吧！跟著搶購人潮大手掃貨，今期最hit的減價品牌必數Gucci、Hermès及Chanel，當中有品牌貨品減至5折半賣半送。只要把握時期，要入手心頭好絕無難度。

Gucci：半價買走經典款式！

　　Gucci減價消息傳出即吸引一班Gucci迷大手掃貨，店外更出現人龍，究竟今次的減價有何吸引之處？5折就是今次教人甘心命抵付出時間與精神的最大吸引力，名牌貨品通常只會有限度減價，低至5折的價錢實在難以令人不動心。據了解，今次的折扣貨品為品牌的指定經典款式，只有香水及手錶不在減價類之內，手袋、銀包、絲巾等通通有減價貨，故大家有不少的選擇，但值得注意的是不同分店的減價貨品或有不同，故大家到場搶購時大可抱著尋寶的心態搵心頭好。Gucci店員表示暫時未知減價何時結束，但據購物法則，愈早選購，選擇愈多！

Hermès：限定兩天　必搶飾物手套！

　　另一歐洲高級時裝名牌Hermès亦在今天及明天於金鐘港麗酒店舉行開倉減價。雖然今次減價活動未有大家一向熱捧的皮革手袋及絲巾，但一直以高級質料製作的時裝、手套及帽等飾品，都十分值得大批入手，各位女士記得下班後趕去掃貨了！

Chanel：勁慳1萬！買Classic大袋

　　歐元匯價大跌，隨各歐洲名牌相繼調整貨品價格，OL大愛品牌Chanel亦同步減價，令亞洲區的女士們非常雀躍。當中的經典款式Chanel Classic Flap更勁減1萬，由4萬8減至3萬8，其它款式也相應減價，例如Chanel Boy與Reissue 2.55，都是大家一直以來的心水之選，相信今次可以放肆一番了！