26/07/2023
新團綜《MIRROR+》登場 隊友茅招盡出勁爆笑 Ian陳卓賢險被Edan呂爵安偷襲「小卓賢」
【晴報專訊】男團MIRROR新團綜《MIRROR+》前晚首播,12子大玩不同遊戲,陳卓賢(Ian)與呂爵安(Edan)對賽時,出名鬼馬的Edan狂出茅招,竟使出「龍爪手」偷襲Ian,令「小卓賢」幾乎失守,場面搞笑。
Edan攻擊Ian下身,幸好Ian以雙手成功保護「小卓賢」。 (FB圖片)
在《MIRROR+》首集中,12子分成兩隊作賽,在黐波波遊戲中,隊員穿上黏貼衫,跳入波波池鬥黐最多波。當陳卓賢與呂爵安對賽時,Edan立即撲向Ian,使出「龍爪手」直搗Ian兩腿之間搶波,幾乎碰到「小卓賢」!幸好運動員出身的Ian醒目地以雙手保護下體,才沒有失守,而結果Edan以大比數落敗。
新歌向自己送上擁抱
在分辨真假蛋糕環節中,節目組特別為Ian度身訂造表演項目,要他在真假排球之間打中蛋糕一款,結果他打了真排球而輸掉。隊長楊樂文(Lokman)取笑屬排球港隊的Ian:「喂!你職業喎。」Ian回應:「所以我咪追住排球嚟打囉,我受咁多年訓練,唔係打蛋糕㗎嘛。」贏得全場歡呼聲。
Ian的天然呆,令Hellosss(Ian粉絲)大呼可愛。(FB圖片)
此外,Ian前日推出新歌《擁抱後的歌》,他兼任作曲及監製,歌曲靈感源自他一次閱讀後感,「本書係講寫一封信畀童年嘅自己,當時我諗,如果見到童年嘅自己會講啲咩呢?發現原來係無咩可以同佢講,最多只係送上一個擁抱,所以就有呢隻歌嘅誕生。」Ian以自己為例去解說,「以前做運動員,日日流緊汗,又或者每日工作都有血有汗,獻上嘅擁抱,代表我知道你嘅有血有汗,代表成長印記。」今年才過了七個月,Ian已推出三首作品,但他似乎未夠喉︰「其實想出愈多歌愈好,我之前嘅目標想出五首,但依家想嘗試下係咪可以出到六首。」
姜濤擘大口試試「搖控」是否用蛋糕製成。(FB圖片)
Ian以最簡單真摰方式錄製新歌及拍攝MV。
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票