今天係 Boxing Date，聖誕節假期的最後一天。雖然大家可能認為節日已過、心情已過，但唔好忘記，還有31號晚的大除夕及1月1日的假期，都可以相約朋友慶祝或聚會，今天教授呢款蛋糕，等大家還可以繼續一顯身手。

　　再過幾天，2012年好快就過去，韋太在此多謝各位今年的支持，每星期收看本欄。預祝各位新年快樂! 明年繼續支持 !

材料:  (6" 模)

餅底材料:

　　消化餅 4塊 (約70克) + 牛油溶液 26克

餅餡材料 :

　　忌廉芝士 250克 + 糖 40克、雞蛋 1 + 1/2 隻、酸忌廉 67克、檸檬汁 1茶匙、麵粉 20 克 (預先過篩備用)

餅面裝飾 : 

　　酸忌廉 50克 + 糖霜15克　(預先拌勻)

做法 :

　　1. 將消化餅壓碎，加入已溶的牛油混合，壓在蛋糕模內，放入雪櫃冷藏一會，備用。

　　2. 將砂糖加入忌廉芝士內打至軟滑，再將蛋分2至3次加入，每加入一次要打勻後才加入第二次，續打至蛋液完全被芝士糊吸收。

　　3. 將酸忌廉加入忌廉芝士糊中，拌勻，然後加入檸檬汁，最後將麵粉篩入拌勻。

　　4. 最後將芝士糊倒入餅模內，餅模用錫紙包裹，放入已預熱180度的焗爐內。

　　5. 底盤注入約1厘米高的熱水，隔水蒸焗 40至50分鐘。

　　6. 將餅面裝飾拌勻，備用。

　　7. 芝士蛋糕焗好後，取出。放涼約15分鐘後，將餅面裝飾鋪上，再放進焗爐，用焗爐的餘溫焗5分鐘。

　　8. 將焗模錫紙移走後，將餅放入雪櫃冷藏3小時，脫模上碟。

韋太小貼士:

　　1. 加入檸檬汁是去除芝士帶滯的感覺， 選擇唔用都可以。

　　2. 蛋糕可以不用隔水蒸焗都可以，但焗出來的餅表面會容易出現龜裂。