平日出街去酒樓或茶餐廳食飯，好多時都會叫碟「揚州炒飯」，貪佢夠多料又好味道。

 

　　有時假日在家都想炒碟飯黎食，但又無隔夜飯，點可以炒到一粒粒的飯又唔會太濕?

 

　　不如看看今期韋太有乜好貼士教大家啦!

 

材料:

 

 

　　白飯 1-2碗、蝦仁 80克、叉燒粒 50克、火腿粒 50克、青豆 40克、雞蛋 2個(拂勻)、葱粒 適量

 

蝦仁醃料:

 

　　胡椒粉 及 幼鹽 各少許

 

調味料:

 

　　幼鹽 適量

 

做法 :

 

 

　　1.叉燒及火腿切粒，備用。

 

　　2.將蝦仁清洗及抹乾水，加入醃料，醃15分鐘。

 

　　3.燒熱鑊，落油2湯匙，加入白飯炒至乾身及鬆散無硬塊，若飯太乾，可以加入少許熱水入硬塊飯內，再用鑊鏟壓鬆及炒散。

 

　　4.將叉燒粒，火腿粒、青豆及蝦仁及適量調味加入炒勻，最後加入蛋液快炒，最後加入蔥粒，即成。

 

韋太小貼士:

 

　　1. 一般人會話用隔夜飯去炒才會有一粒粒的效果，原因係貪佢夠乾身，炒出來才有這效果。其實用新鮮煲的飯都可以做到這效果，只要煲飯時扣起少少水，飯煲好後，即時將煲蓋打開，再吹乾一會，都有同樣效果。

 

　　2. 有些朋友會將蛋液先加入飯內炒，務求令到每一粒飯都包著蛋，令飯有金黃色，若喜歡這種做法都可以先將蛋液加入飯內炒一會後，才加入其他配料。

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

樂本健【年度感謝祭】維柏健及natural Factors全線2件7折► 了解詳情