30/07/2014
方魚肉碎蠔仔粥
每次去潮州菜館吃飯,一定喜愛點一窩「方魚肉碎蠔仔粥」。蠔仔每粒飽滿,湯飯加入香芹、冬菇、冬菜及肉碎,提升湯的鮮味。另加入由大地魚烘乾拆出來的肉簡稱「方魚」,湯味鮮甜及惹味,真係令人一試難忘 ….
而家唔使去到潮州菜館都可以自己煮,大地魚可以在平日預先烘好及拆肉,放入密實袋或盒內保存,都食時加入,方便又快捷。
烹調時間: 15分鐘
材料(2人份量):
冬菇1-2朵、免治豬肉 150克、中國芹菜 60克、芫荽 2-3棵、冬菜 1湯匙、大地魚 1條、蠔仔 300克、清水 1200毫升、白飯 2碗
豬肉醃料 :
生抽 2茶匙、砂糖 1/4茶匙、粟粉 1茶匙、清水1湯匙、幼鹽 1/4茶匙
調味料:
幼鹽 適量
做法:
1. 冬菇浸軟去蒂,切粒,備用。
2. 免治豬肉加入醃料醃15分鐘。
3. 芫荽及芹菜沖洗,切粒。
4. 蠔仔加入少許生粉及幼鹽,洗去潺,然後再慢慢沖洗,瀝乾。
5. 大地魚用白鑊兩面烘脆,盛起,放涼後去皮及骨,撕成小塊。
6. 將清水放入大鍋內煲滾,然後加入肉碎、蠔仔、冬菇煮5分鐘,然後加入芹菜、冬菜、芫荽及白飯煮至大滾,加入適量鹽調味,盛起放大碗內,粥面放上大地魚乾、芫荽或香芹粒即成。
韋太小貼士:
1. 芫荽、香芹或冬菜可以另外留起一部份,待粥煮好時放粥面進食,更能提升粥的香味。
2. 如怕蠔仔難熟,可以預先將蠔仔汆水焯熟。
3. 白鑊的意思係燒熱鑊,無須落油。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票