「佢真係好嘢架喎，無愧『辦公室曱甴』呢個名銜。我地真係要好好學習。」所謂的「佢」，是同事A的同組同事，職銜比他高一點點，不過工作互不干涉，並不算「直屬上司」，可是「值得學習」的地方不勝枚舉。

　　曱甴擁有頑強的變變變生命力，據悉早在人類誕生數億年前已活躍於地球，經歷千世萬代的進化演變，如今已升呢成為戰鬥力與生命力極強的特種成功生物。

　　曱甴屬雜食性，基本上跟人類食性相近，因此兩者經常發生「爭飯食」的場面，在家居如是，在辦公室亦然。

　　佢（姑且稱這辦公室曱甴為「佢」）的生活與一般曱甴無異，神出鬼沒，只求搶食毫無貢獻，覓食以外的時間通常藏身於陰冷潮濕的地方，常人難以察覺。

　　「佢呢份堅係筍工，9點至11點一定有客見；12點出現放低個袋，就去食lunch buffet；食到3點半返嚟，又出去見客。」A冷冷道︰「其實佢幾點返工、幾點收工唔關我事，最憎係佢咩都唔做，而專搶人地嘅成果。扮到咩都識，但問親佢就咩都唔知、咩都唔關佢事。」

　　基於身份問題，我沒有開聲回應，只是乖乖地聽A吐冤屈。按照「說得出的委屈就不算委屈」的原則，希望他說了出來就不再覺得冤屈。

　　「辦公室曱甴」，顧名思義，就是十級難對付的生物，名副其實的「恐龍絕種都未輪到佢」。牠們之所以能夠在辦公室內遊刃有餘，主要靠一對極其敏銳的觸鬚，得以在電光火石之間鎖定目標人物，見風轉舵，逢凶化吉。

　　沒所謂吧，曱甴始終只能做曱甴，更無人會以牠們為榜樣。身為人類，就多曬曬太陽殺殺菌，保持身家清白、整潔乾淨永遠是對付牠們的最佳策略。

　　原文刊載於ctgoodjobs.hk