腐乳雞翼

 

　　提起雞翼菜式，相信大家平日都煮唔少，但係可能來來去去都只會煎雞翼或燜雞翼。要嘗試其他配搭或款式，大家可能需要一些食譜參考書去幫助大家，才有勇氣去嘗試。

 

　　有見及此，不如今期就等韋太介紹大家做這款惹味的雞翼，保證胃口大增。材料簡單，大家快啲試下啦 !

 

烹煮時間:  20分鐘

 

材料(3-4人份):

 

 

　　雞翼 2磅、蒜茸 2茶匙

 

醃料:

 

　　雞粉 1/2茶匙、生抽 2湯匙、幼鹽 1/8茶匙、生粉 1茶匙、胡椒粉 少許、麻油 少許

 

調味汁料:

 

　　腐乳 4磚 、紹酒 1茶匙、砂糖 1/2茶匙、幼鹽 1/2茶匙、清水 4湯匙

 

做法:

 

 

　　1. 雞中翼洗淨抹乾，加入醃料醃30分鐘。

 

　　2. 調味汁料內的紹酒加入腐乳內壓爛及拌勻，備用。

 

　　3. 燒熱鑊，落少許油，爆香蒜茸，加入雞翼用慢火將兩邊略煎，然後加入調味汁料，加上鑊蓋，慢火燜煮5-7分鐘至汁液收至濃稠，即可上碟。

 

韋太小貼士:

 

　　1. 若想雞翼更惹味，可以加重腐乳的份量。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票