23/07/2019
【禍從口出】不想一秒激嬲腦細?打工仔不可提的5句職場禁語
水能載舟亦能覆舟,同樣道理,一句說話可以救人亦可以殺人。打工仔想喺職場上撈得好,一定要學識掌握說話技巧,否則很容易得罪人——得罪同事最多都係做獨家村,得罪腦細就真係做乜都無運行。
(截圖自《食神》)
即睇以下5句「職場禁語」,你可以保證自己唔會講出口嗎?
1. 「我冇咁講/做過。」
其實講錯嘢、做錯事並唔係死罪,但係有唔少打工仔為咗面子,就算係明眼人都知嘅事實,都不惜擘大眼講大話,為自己辯駁。而佢哋最常用嘅一句就係「我冇咁講/做過」,意圖將一切責任推得一乾二淨。試問咁不負責任嘅人,又點會有人肯同佢一齊共事,老細就更加唔會將重要嘅工作交畀佢!
2. 「我冇錯,唔關我事。」
除咗「我冇咁講/做過」之外,有一樣相類近嘅禁語就係「我冇錯,唔關我事」,一樣都係會令人火遮眼!明明做錯事但死都唔認,仲要堅持自己冇錯,完全唔願意反省,呢類人真係無論去到邊都會人見人憎。
Read More:【又有投訴】帶著委屈去開工?盤點10個經常被人罵的職業
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票