11/04/2018
【好工不如好老細!】5點幫你認清Leader和Boss的分別
「我上司真係無得頂,佢成日都會請我哋班同事收工去飲嘢㗎!」「哎,你就好啦!我嗰個只會成日逼我去上堂……」唔少打工仔都覺得,跟個好上司,幾時都重要過入間好公司。畢竟上司嘅好壞,係會直接影響自己嘅工作快樂程度、人工福利,甚至升職機會!想知你日日對住嗰個係咪一個好上司?即刻同小編了解吓「領袖(Leader)」同「老闆(Boss)」嘅分別啦!
1. 詢問意見VS只會下令
Leader會經常同下屬溝通,例如會問吓佢哋有冇遇到乜工作難題、鼓勵佢哋多啲分享新嘅想法同意見;但Boss只會用命令嘅口吻嚟對待員工,不斷要佢哋做、做,同埋做!
2. 釋放善意VS仰仗權威
雖然上司係「一人之下,萬人之上」,但如果佢只會擺出一副高人一等嘅面孔,實難免會成為眾人眼中的「討人厭的Boss」!而Leader則會懂得謙卑自己,向下屬釋出善意和關心,予人感覺是個平易可親的前輩。
(《不會撒嬌的女人》劇照)
3. 「我們!」VS「我!」
Leader看重團隊合作,所以即使身處高位,都願意甚至喜歡與下屬並肩作戰;但Boss卻會劃清上司和下屬嘅界線,習慣以自己嘅角度出發,常常會話:「我想……」「我要你咁樣做……」「我覺得……」
4. 表揚員工VS將功勞佔為己有
Boss點個下屬做完嘢之後,通常自己都會翹埋手唔做嘢,但到有好成績出嚟,就一定會走返出嚟邀功,大讚自己領導有方;而leader唔單止唔會獨領風騷,仲會記住每個出過力嘅下屬,等有機會提攜佢哋升職!
5. 培育人才VS「幫我賺錢!」
Leader會將下屬當為植物咁栽培,希望佢哋可以多發展自己嘅才幹,以致將來能夠獨當一面!但Boss只會當下屬係工具,用完即棄,甚至不惜踩住佢哋上位。
(《不會撒嬌的女人》劇照)
其實想分清楚「Leader」同「Boss」又點止呢5點!於是小編喺網上搵咗條短片返嚟,大家不妨花一兩分鐘睇睇!
Lean Management - Boss vs Leader
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情