04/08/2023
特地深夜街頭舉燈牌感受追星辛酸!姜濤自覺愧對姜糖:成為真正家人
【晴報專訊】姜濤一連四場個人演唱會前晚開鑼,頭場除了請來林海峰(Jan)及跳舞師父梁業(肥仔)任嘉賓外,姜濤又特地準備新歌《好得太過份》送給「姜糖(粉絲)」。原來他騷前特地深夜到街頭舉燈牌,感受姜糖辛酸;他剖白曾沒有自信面對姜糖,又感激粉絲不離不棄,從今起已成為他的家人,令姜糖感動得眼濕濕。
姜濤希望與姜糖互相提點,一起加油。
姜濤前晚又唱又跳,他藉歌曲《DUMMY》吐心聲︰「無論犯錯定成功,都要保持謙卑,呢個係我成日提醒自己,我永遠都會記得自己曾經係個dummy。」接着他邀請第一位嘉賓梁業上台,肥仔笑說:「我第一次感受徒弟粉絲力量。」他隨即拿毛巾幫姜濤抹汗,又搞笑要求對方在毛巾上簽名,然後二人合唱《特務肥姜2.0》。
姜濤全晚又跳又唱。
肥仔搞笑要求姜濤在毛巾上簽名。
隨後,現場放出短片,片中姜濤體驗做姜糖滋味,他手持「姜」字應援牌及摺凳,於凌晨三時多在銅鑼灣街頭扮追星。他將應援牌高舉過頭,笑言是最漫長的20分鐘,他笑說:「好攰,姜濤好乞人憎!」其後他感性道:「好對唔住大家,我應該留耐啲,諗起佢哋(姜糖)咁樣去迫,有啲心悒。只知做好自己表演就足夠?其實好唔足夠,尤其呢兩年好驚,同無自信去面對大家,好對唔住大家,唔應該懷疑大家喺唔喺度,應該同大家緊密啲。由依家起我要將你哋變成我生命中真正嘅一班家人,辛苦你哋!」然後他唱出新歌《好得太過份》送給姜糖,「你哋真係好得太過份,每一位無論咁多年支持我或者中途離開,我都好感激,喺你哋生命出現過,我好滿足,由呢刻起你哋唔係我粉絲,而係我家人,一齊加油。」現場不少姜糖感動到喊,場面感人。
姜濤高舉燈牌,體驗姜糖的追星日常。
林海峰重演頒獎情況
姜濤邀得林海峰擔任嘉賓,現場播出2020年叱咤頒獎禮的片段,Jan表示三年前因疫情影響,現場畫面有遺憾,所以重演頒獎情況。Jan大讚姜糖「用作品說話」:「你哋買幾多牙膏?食咗幾多炸雞?飲咗幾多汽水同啤酒…呢啲咪係用作品說話囉,你哋好勤力,樂壇係需要你哋。」他大爆因姜糖經常在商台等候偶像,商台為了姜糖而更換鐵閘。「仲有一件作品,係一年一度將銅鑼灣變成姜濤灣,銅鑼灣揸fit人係邊個?唔係浩南,係姜B。」姜濤在旁只懂傻笑,在個唱尾聲,他唱出《蒙著嘴說愛你》作結。
姜濤希望能讓林海峰看到他的成長。
轉載自: 晴報
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇