【最後的冬菇亭】合華咖啡小食 大埔屋邨友30年的回憶

　　曾以為幫襯這裡的都是老人家，熟不知竟有不少後生仔女對合華懷有特別感情： Philip憶起細個時每逢假日家人都會帶他和哥哥去合華食早餐，他最鐘意食扒餐，去到一定會揀窗邊位，棟起隻腳踩住石壆，一邊欣賞大排檔外的馬路，一邊享受美食。「呢個習慣慢慢成為我人生中一個好重要的『核心島』。時代變，好多嘢無法留低，惟有感恩生命中有呢段美好經歷！」

窗邊靚位，已全部被霸住

年輕人一樣鐘意幫襯冬菇亭 

　　陳師傅在合華做了20多年，走了幾次又都回來，還是在這裡做最有感情。他一邊沖茶，一邊和我聊，他說其實一早知道領匯會收回，改造成隔離那種新型冬菇亭，「無辦法，而家我地係大排檔牌照，改建後都唔可以經營，要重新領食肆牌。我們計過條數要攞三百幾萬出來，唔掂。」 

　　負責收銀的陳姨住對面新興，在這裡也做了20幾年，她說：「收回後他們負責裝修個（屋）頂，其他都係要我們來做，要好多錢，做不來。」不過她對於結業一事似乎很豁達，「係咁啦」，問到日後生計怎麼辦，她說還未有時間諗，跟著又說：「哎，唔知有無人肯請我喇。」