平日煮餸，好少會買急凍鴨來煮，因為香港人喜歡吃雞多過吃鴨。平日的菜色主要以肉類或雞類。如果市面發生禽流感，大家唯有吃豬肉。但前一排試過有非州豬瘟，市面停售豬肉超過一星期，如果只吃雞、急凍豬扒或雞翼，都會食到悶。

　　有見及此，就試下做一道簡單「鹽水鴨」，只需要用花椒鹽去醃製、加2粒八角及薑蔥去燜煮，不用一小時，做出來的鹽水鴨，入口不肥膩，鴨肉有鹹香味，而且骨都燜到「鬆軟腍身」，連韋老爺都吃過都難於停口，大贊好味 ! 

大家不妨試下啦 ! 

烹煮時間：1小時

份量：3-4人

材料

急凍鴨      1隻  (約1500克)

醃鴨料：

花椒粒     1茶匙 

幼鹽       6湯匙

烚鴨料：

八角    2粒

青蔥    2條 (切段)   

薑片    4片

紹興酒  1湯匙

鹽      1茶匙

清水    浸過鴨面

做法

　　1. 鴨解凍及清洗乾淨，瀝乾水份，以備用。

　　2. 花椒粒及鹽放入鍋內，慢火炒出香味。（無需加油）

　　3. 鴨抹乾，趁熱用花椒抹勻鴨身，內外都要抹。

　　4. 將鴨包好，放入雪櫃醃2-3小時。

　　5. 先用清水略沖去鴨胸內的花椒鹽，然後放入已燒熱的烚鴨料水內。將滾水灌入鴨胸內，來回做兩次，鴨胸向下，蓋上鍋蓋，水滾後改中慢火燜煮40分鐘，熄火浸30-60分鐘。用小刀插入鴨腿部位，無血水流出後，盛起瀝乾水，斬件。

小貼士：

　　鴨燜煮15分鐘後，將鴨胸內的水倒出，再重新灌入滾水，這樣鴨才容易熟透。