12/03/2014
京蔥炒牛仔肉
我的家人好喜歡吃牛肉,打邊爐都要準備肥牛及新鮮的牛肉做配料。
但近這一年來,牛肉的價格飆升2-3倍,買一斤牛肉價錢可以買到條石斑魚。
所以,日常家庭菜式燜牛腩等等,都已改用急凍的牛肋骨代替。
近日行開街市,發現凍肉舖有出售急凍牛仔肉,價錢都係五六十蚊一磅,買一大塊都唔使三十蚊,炒出來都有一大碟。
牛仔肉只要略為醃一醃,炒出來的效果超滑又好味,大家不妨買來試下啦 !
烹調時間 : 15分鐘
材料(3-4人份量):
京蔥 2條、牛仔肉 300克、蒜頭 3粒
牛仔肉醃料:
生抽 2茶匙、雞粉 1/4茶匙、砂糖 1/4茶匙、梳打粉 1/8茶匙、清水 1-2湯匙
調味料:
雞粉 1/2茶匙、鹽 1/8茶匙、砂糖 1/4茶匙、蠔油 2茶匙、老抽 1茶匙、清水 1湯匙、胡椒粉 少許
埋茨 :
生粉 1茶匙、清水 1茶匙(拌勻)
做法:
1. 牛仔肉切逆紋,順序加入醃料,大力攪勻至水分被牛肉吸收,放入雪櫃冷藏30分鐘。
2. 蒜頭去衣切成茸。清洗京蔥,斜切約切成2吋長備用。
3. 燒熱鑊,落1湯匙油,加入牛肉兩邊略煎至七成熟盛起。
4. 燒熱鑊,落少許油,加入蒜茸爆香,才將京蔥加入爆炒一會,加入牛肉及調味料炒勻,煮1-2分鐘,最後加入適量的生粉水埋茨,即可上碟。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票