22/05/2013
紅酒燴牛腩
大家可能經常食蘿蔔牛腩,唔知大家有無試下用西式的方法去煮牛腩呢? 今期教授大家煮的紅酒燴牛腩,可以配意粉,假期唔想煮飯的話,簡單煮一味就可以開飯。
材料:
牛腩 1000克、洋蔥 1個、蒜茸 2茶匙、甘筍 200克、月桂葉 3至4片、茄膏 2湯匙、白胡椒粒 1茶匙、牛肉清湯 400毫升、紅酒 250毫升
調味料:
雞粉 1茶匙、砂糖 1/2茶匙、鹽 1/2茶匙、茄汁 2湯匙、o急汁 半湯匙
做法 :
1. 牛腩洗淨,切件。放入滾水內煲約3至5分鐘,去除表面污垢,沖水,瀝乾。
2. 洋蔥及甘筍切件,備用。
3. 燒熱鑊,落油1湯匙,將蒜茸加入爆香,然後將洋蔥加入爆炒1至2分鐘。
4. 加入茄膏炒勻,將牛腩、月桂葉及白胡椒及牛肉清湯加入煮2分鐘。
5. 最後加入調味料、甘筍及紅酒,用中慢火燜煮1小時30分鐘。
韋太小貼士:
若選用高速煲去燜煮這款菜式,時間約需15至20分鐘 (視乎品牌)。另外,最重要係仲可以保存肉汁的原味。
如改用真空煲,時間或需要燜煮4至6小時。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】國家隊奧運健兒訪港,有市民指難以購票感到遺憾► 立即投票