韋太最愛吃上海水餃，每次去上海店舖食水餃麵時，都好想吃北京餡餅，但又怕食唔落。不如自己在家製作，這樣就可以食多幾件啦 !

材料:

麵糰皮材料 : (6個份量)

　　麵粉 200克、幼鹽 1/8茶匙、熱水 50克、冷水 60克、菜油 1茶匙

餡料:

　　免治豬肉 100克、韭菜 100克、薑茸 1/2茶匙

調味料 :

　　生抽 2茶匙、雞粉 1/4茶匙、砂糖 1/4茶匙、麻油 1湯匙、清水 1湯匙、粟粉  1茶匙、紹酒1茶匙

做法:

　　1. 將麵粉放入大碗內，加入鹽及熱水快速拌勻，蓋上毛巾，焗3分鐘，再加入冷水及菜油搓勻，然後放室溫靜止15分鐘。

　　2. 豬肉加入薑茸及調味料大力攪至起膠，加入已沖洗切幼粒、瀝水後的韭菜拌勻，放入雪櫃冷藏30分鐘。

　　3. 將皮麵糰平均分成6份，用木棍將皮壓平包入適量餡料，收口反轉，再輕輕按扁。

　　4. 燒熱鑊，落油1湯匙油，將餡餅放入平底鑊內，煎至兩面金黃色，注入3湯匙熱水，加蓋焗煮3分鐘，然後開蓋再煎至兩面收乾水分即成。

韋太小貼士:

　　餡料內的韭菜多與少，可按個人喜好加減。