職場如戰場，同事之間難以成為「朋友」，這可是一些在職埸打滾多年的老江湖的見解。然而，初投身社會大學的畢業生卻未必懂得職場的處世之道，反而令自己陷入困局。

　　有初出茅廬的網民在討論區發帖，指自己個性內向、慢熱，與同事關係一般，在工作崗位默默耕耘。相反，另一位同期入職的女同事，則較喜歡與同事交際，認為該名女同事「踩住」自己上位，更經常聯同一眾老臣子欺負和取笑自己，「嘢就我做，彩就佢攞！成日得把口問我做成點，幫我同阿頭交代，但其實佢無幫過手！」因公司人事而感到心灰意冷，萌生辭職念頭。

是成長還是逃避？

　　帖文一出即引起討論，有人支持事主，建議他「騎牛搵馬」。亦有人批評事主小題大造：「打份工，做夠年資咪跳槽走人。同事只係過客，唔需要太在乎。」亦有人建議他以牙還牙：「做好自己本份，同佢玩大佢，嘈到上司到，最多一拍兩散！」

　　不過，反對事主辭職的網民卻有另一翻見解：「比起辭職，你要知道點解人地可以成功踩住你上位？點解成班老臣子buy佢唔buy你？努力改善就叫成長；搵唔到原因就辭職叫逃避！」亦有人認為每個地方都有這類人，無可避免，辭職亦只是「由一個火坑，跳進另一個火坑」。

職場初哥最緊要有禮貌

　　有老前輩在帖中分享經驗之談：「在職場中係要學習做人，社會大學同學校完全唔同。做人應該要主動啲，打招呼係基本禮貌。」更介紹5招主動招式：

　　1. 見人說「早安」，放工說「再見」

　　2. 有不明白地方就要問

　　3. 見一班人圍在一起，就問甚麼事！

　　4. 有人生日，便要說句：「生日快樂！」

　　5. 主動加同事的聯絡電話

　　即使個性較內向，但在職場，特別是不少公司也講求團隊合作的今天，年輕人走入職場便要開始建立自己的職場人際關係，令自身實力人力兼備，事業更上一層樓就指日可待。

Source: CTgoodjobs