聖誕廚藝培訓班：片栗粉檸檬蛋糕

 

 

　　下星期就快到聖誕節，唔知大家今年聖誕節派對聚會，會準備那些食品去招呼朋友或要為囝囝囡囡準備一些簡單的蛋糕帶回學校開派對聯歡會呢? 

 

　　每逢過時過節，韋太都要準備幾款應節食譜給大家，去年教過的又唔會重覆，要重溫就要入去網站內慢慢找啦 !

 

　　今期呢個食譜大家可能對［片栗粉］較為陌生，其實片栗粉係熟的薯仔粉，每年韋太都會買2-3包用來做冰皮月餅餅皮，但係餘下的保存期又不能放到明年中秋節，所以就試咗呢個食譜，做出來的蛋糕好香檸檬味，加上片栗粉的蛋糕都香滑，大家試下啦 !

 

烹煮時間: 60 分鐘

 

份量: 1個

 

模具: 牛油蛋糕模

 

 

材料:

 

　　A) 片栗粉90克 + 低筋粉30克

　　B) 雞蛋100克 + 砂糖80克

　　C) 檸檬汁15克 + 檸檬皮茸1茶匙

　　D) 牛油100 克 

 

做法：

 

　　1. 將A)粉類混合過篩，備用。

 

　　2. 牛油隔熱水座溶，備用。

 

 

　　3. 將砂糖加入雞蛋內打至濃稠狀，然後加入檸檬汁及檸檬皮茸拌勻。

 

　　4. 將粉加入蛋糊內拌勻，將牛油溶液分3-4次加入麵糊內拌勻，然後倒入模內。

 

 

　　5. 焗爐用180度預熱15分鐘，將蛋糕放入焗30-35分鐘。

 

小貼士:

 

　　刨檸檬茸時，在刨上包上保鮮紙會較容易將皮茸收集在一起。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票