• |
  • 極速報價
  • |

20/08/2019

退休勿做Old Seafood

  • 加入最愛專欄
  • 收藏文章
  • 曾智華

    曾智華

    曾智華,資深傳媒全面手。退休前為香港電台節目創作總監。八十年代開始獲選最受歡迎節目主持,直至2014年退休為止。隨即「轉跑道」,專攻慈善活動及變身KOL 。目前每天溜覽其Fan Page 「Luke Sir 曾智華」者,數以十萬計。近年著作包括《快樂退休》及《有盈退休》。


    快樂退休

    每周更新

  睇開本欄者應知,小弟有個極資深傳媒人(即六十至七十幾歲)飯局小組,名「快樂傳媒老是佛」。心照,乃來自粗俗廣東話「老屎忽」,即形容恃老賣老、老而不、化石腦……總之就是又追唔上時代又以為自己啱晒睇唔起後生一輩的「自卑又自大老坑」!

 

Old Seafood 面對孤獨,因冇人想接近

 

  後生仔為免呢群「長輩」不快,故稱之為Old Seafood。我哋雖「過氣傳媒人」,自嘲好,自知之明好,幽默感好,就稱自己「老是佛」可也。

 

「維園阿伯」乃Old Seafood 典型,人人厭惡

 

  退休,應該盡量放開懷抱,放下少少「樽鹽」,多了解子女及年青人諗法,才可以盡量擴大良好關係網,得到最快樂的「公約數」。如此,朋友會愈來愈多,社會關係會愈來愈好。自然,身體免疫力也隨之提高,病魔遠離更長命也!

 

  與年青人溝通,切忌切忌犯上葉劉淑儀及葉國謙一類「僵化頭腦」低級又幼稚政客毛病,即唔了解年青人的價值觀、科技觀及種種能力就亂噏,想當然屈佢哋乜乜物物。結果,被嘲笑「堅離地」之外,只會與年青一輩愈行愈遠,將自己困在一個「互搲背脊」(You scratch my back and I scratch yours)的政治自己友安全區中。

 

兩位年青人眼中的「科技盲」,葉劉淑儀及葉國謙

 

  潮流興大聲呼籲有權有勢力又活在「政治象牙塔」者——唔該,講人話!

 

  「有錢買地盤帽、面罩,用AirDrop,Telegram及連登溝通,一定有外國勢力在金錢及科技上支援!」

 

  真係嘩嘩嘩,咁都講得出口,竟坐在香港最高權力架構行政會議中,真令全香港略有少少知識者笑死之外,怎不被全人類鄙視?

  

  葉劉及葉國謙,正是典型反面教材,百分百年青人眼中無法溝通但又霸佔權力的Old Seafood。下次選舉,唯有用選票趕佢哋或佢哋個黨離開立法會,真的是「票債票償」!

 

  我很喜歡與「傳媒老是佛」聚會,因為,傳媒人願意價值觀追上時代外,性格更多數豁達開放,喜歡與任何人包括年青人打成一片。

 

「傳媒老是佛」開朗、豁達、幽默,從不輕視年青人

 

  要與年青人打成一片,就要進入佢哋思想世界,縱有差異矛盾,也必須包容,嘗試站在對方角度去看事物。

 

香港未來,是年青人的,Old Seafood 應該慢慢引退,切勿死霸權位指手畫腳

 

  不快樂的退休人,十個有九個是Old Seafood,人人怕接近。快樂的退休人呢?心境長青,充滿同理心,故人人樂於接近。道理其實好簡單!

 

無論甚麼年紀,常懷赤子之心最快樂

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【你點睇?】特朗普批澤連斯基是「未經選舉的獨裁者」,俄烏戰爭早應停止。你是否認同特朗普的說法?► 立即投票

我要回應5

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 六十後男士發表於 2019-8-21 10:30 PM
  • #5
  • Ex-RTHK stuff, you colonial **** are now being fed by HKSAR .
    Behave yourself or your *** supply will be cancelled.
  • 回覆 | 引用 | 舉報
  • Uknowy發表於 2019-8-21 08:41 PM via app
  • #4
  • 突然之間, 曱甴可以從黑暗世界轉趨文明時代, 佢哋驚覺到呢個社會原來有暴力存在時,是零容忍暴力發生的。這一場元朗白吃黑, 帶領曱甴走出黑暗從臨光明實始料不及。

    再者響呢個風暴潮裏面,又可以另一見到無限風光在險峰, 睇見唔少嘅曱甴不停在竄動。 一堆又一堆的曱甴匿藏唔同嘅位置, 唔同嘅崗位,有啲人同你談天說地風花雪月, 建立下感情;有啲同你講下理財,講下退休人生下半場, 建立關係。

    但結果一切一切都係徒然, 曱甴不離甲甴本色,喜歡陰陰濕濕 角落裏打轉,尤以老屎忽為最。 先跟你做個friend, 慢慢先同你打獨針。呢群老屎忽響香港電台霸佔個職位到退休, 令香港電台變咗冇王管, 成個垃圾崗咁樣, 我哋聞到嗰陣臭除之餘,我哋更見得到呢個垃圾曱甴王國點樣荼毒香港。

    曾生你同意嗎?

    2/2
  • 回覆 | 引用 | 舉報
  • Uknowy發表於 2019-8-21 08:41 PM via app
  • #3
  • 【你的政治取態決定你的一切】
    正如黑色曱甴風暴, 暴力旋風橫掃香港 兩個幾月, 曱甴群組對所有曱甴所做出嘅一切騷亂暴動衝擊社會, 曱甴眼會頓時間合埋休克, 令自己觸覺自殘之下,所以一啲都睇唔到, 就當冇發生過 。 高質素成咁, 一定係變種曱甴。

    黑色曱甴暴力旋風無間斷折磨咗我哋咁耐,何解垃圾堆嘅曱甴竟然間響721良知甦醒, 反對暴力發生?當你聽到呢啲說話嘅時候 , 真係拗曬頭覺得佢哋會否受到受到天打雷劈, 將佢哋劈醒?

    事實打從6月9號開始, 黑色曱甴就係地表上最惡嘅一群, 只有佢哋可以隨時隨 隨意地暴力任何人, 而佢哋未曾嚐過畀人暴力之苦, 不知道暴力是多麼可怕 。只可惜,世事輪流轉,幾多重轉,循環中幾段孽緣,黑色曱甴在721高姿態以幾百友殺入元朗尋釁滋事時, 卻被元朗白衫惡勢力「保護家園」用藤條狠狠教訓呢一班曱甴一頓同時也另一班無辜市民慘被連累受打。

    1/2
  • 回覆 | 引用 | 舉報
  • oshioshi發表於 2019-8-21 06:59 PM via app
  • #2
  • 這班人大部份食緊香港政府長糧,印印脚,自以為好醒其實只是好命,成班老人着哂黑衫表示支持搞冧香港,小心報應
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ