24/01/2020
【拜年攻略】人工幾多?幾時升職?教你輕鬆應對「三姑六婆」尷尬拷問
Text: Yan Law Photo: 網上圖片
農曆新年最令人期待的,一定是逗利是!但眾所周知,想要將利是成功攞到手,就必須先經過三姑六婆、姨媽姑姐的重重「拷問」。從小時問學業,到大時問事業:「而家搵幾多錢一個月?」、「幾時升職?」、「買樓未呀?」……實在令人尷尬又煩惱!怎樣才能有禮貌而不失體面地回答這些「溫馨問候」?即睇編者為大家預備的拜年攻略,一起輕鬆KO親戚們!
問題一:「而家做緊咩?搵幾錢一個月?」
轉移視綫式回應:
「做緊XX呀。你放心啦,份糧都唔錯,最緊要份家用夠屋企人用,咁我就最開心!」
幽默式回應:
「學黃子華話齋,我份工叫「陰工」(陰功)、我份糧叫「淒糧」(淒涼)。」
(《私房錢》劇照)
問題二:「今年加咗幾多錢人工?分到幾多花紅?」
模棱兩可式回應:
「過年後就有人工加,不過暫時唔知加幅有幾多,總之公司賺得愈多就分得愈多啦。」
幽默式回應:
「我都想快啲知,不如你幫我問吓我老細!」
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情
我要回應