大家好好享受聖誕的豐盛吧。

　　高檔餐廳。

　　優雅環境。

　　浪漫氛圍。

　　帥男美女。

　　燭光掩映下，年青情侶的聲音由小轉大……

　　「你今晚想食乜?」男的體貼地問。

　　「隨便啦。」美女溫柔地回答。

　　「牛扒好嗎?呢度有age咗好多日嘅牛肉，風味特佳。」

　　「脂肪太高啦，減肥要戒紅肉呀!」

　　「咁食個全素pizza好嗎?」

　　「唔!澱粉質會轉化成糖，糖會轉化成脂肪。」

　　「沙律啦!夠清啦。」

　　「唔!冇醬汁唔好食，有醬汁就中咗卡路里陷阱!」

　　「你究竟想食乜?」男的有點不耐煩了。

　　「隨便啦。」她撥一撥黑瀑布長髮、優雅地答。

　　「好!咁你自己隨便食啦!」

　　「我講錯嘢呀?」美女瞪大明眸問。

　　「你總共96磅，減乜鬼肥吖!每次同你食飯都係咁。我已經數過，今次係第29次。」 

　　「咁點解今次咁嬲啫?」

　　「我同自己講:我今年30歲，如果我同你咁樣糾纏到30次，我就係死蠢，所以我喺徹底失敗之前，留番少少sanity俾自己!」

　　說完他頭也不回便消失了。

　　美女難伺候，永恆減肥的美女更麻煩。

　　在此想奉勸愛瘦的姊妹們:在相學而言，女人太瘦係同自己過唔去!

　　除了特殊的型格、如五行中的木型之外，太瘦是有問題的。

　　一來是辛苦，就算是位高權重，也免不了左騰右騰，非常頻撲。

　　二來少助力，凡事要親力親為。

　　三、勁瘦者有時較挑剔，欠圓潤的氣度。

　　四、偶爾會帶點神經質，比較多疑、敏感。

　　五、皮包骨者不容易懷孕，古時一定瞓柴房，現代好啲，可以食自己!

　　總之，超瘦者身形流於單薄，能盛載的福澤較少，所以趁佳節亮麗的氛圍，賞心悅目地享受美食吧!