幫賴慰玲湊仔嗌辛苦 蔡思貝未Ready做媽咪

　　【晴報專訊】蔡思貝與單文柔昨日為無綫兒童節目《Thing Big天地》任嘉賓，思貝自認與小朋友有緣，在德國讀書時曾做嬰兒保母三年。早前思貝更幫好姊妹賴慰玲湊仔，不過她坦言湊仔相當辛苦，自己仍未準備好做人母。

蔡思貝早前與賴慰玲及契仔Marat一起去露營。

　　蔡思貝昨日甚受現場小朋友歡迎，照顧小朋友經驗豐富的她，原來是賴慰玲兒子的契媽，思貝日前更客串做了半日「湊仔婆」：「我朝早八點揸車入去同契仔食早餐、做功課，點知係辛苦嘅開始。因為小朋友唔會坐定定，我用咗一個半鐘，先教到佢寫九個英文字。」她笑言要跟足賴慰玲定下的時間表：「同契仔食完午餐，換埋校服返學，今次係我第一次同契仔單獨相處，成件事好夢幻、好感動。」不過思貝坦言未準備好做媽咪：「因為事業仲喺衝刺期，如果我做咗媽咪，我一定親手湊仔，我根本分身不暇，遲啲先再算。」

蔡思貝做了半日保母，已大呻吃不消。

　　思貝早前有機會跟王祖藍合演新劇，但因祖藍忙於無綫首席創意官職務而決定辭演，問思貝可會繼續演出？她說：「等公司安排，覺得好可惜，諗住跟祖藍學嘢，應該要等下次先可以同咁勁嘅前輩合作。」

單文柔視陳展鵬如「大仔」

單文柔目前做任何事都以女兒行先。

　　同場的單文柔提到女兒「小豬比」已經兩歲，問她會否再追第二胎？她搞笑地拉老公陳展鵬落水：「我依家已經有一個『大仔（陳展鵬）』同一個女，再生多個可能遲啲先！」近日單文柔跟友人合作做網上小生意，問她是否轉型做KOL？她說：「我都係分享下湊女經驗。（讓小豬比出鏡？）個女唔太驚陌生人，不過要同老公商量，睇下會唔會對個女有幫助。」