08/04/2019
老婆拉隊澳門睇騷 小春爆囝囝驚忍尿唔撐場
【晴報專訊】陳小春前晚舉行巡迴演唱會澳門站,小春太太應采兒拉大班老友支持,不過小春兒子Jasper缺席,原來他擔心全程困在房間睇騷,不能去廁所。
陳小春唱出《取消資格》、《相依為命》等多首經典作。
陳小春前晚在澳門金光綜藝館開騷,全場爆滿,應采兒拉大隊支持老公,包括「皇后」秦嵐、鄭希怡與囡囡梁浸浸、黃依汶與老公陳國坤、關心妍等。小春以多首快歌打頭陣,然後分別用葡語、廣東話及普通話跟fans打招呼。他唱出經典歌《友情歲月》前感慨地說︰「有隻歌到目前為止唱過好多次,有可能老過在座嘅人,20幾年嚟我有好多變化,有啲fans仲有小朋友同家庭,由漂泊生活變得安定,多謝大家廿年嚟對我不離不棄。」
(左二起)秦嵐、應采兒及鄭希怡開心捧場,秦嵐更首度踏足澳門。
完騷後,小春笑言知老婆必定帶朋友支持,所以自掏腰包買飛請他們睇騷。提到囝囝Jasper沒到場,他笑說︰「本身都想帶囝囝嚟,但老婆要招呼啲姊妹,驚囝囝嚟到無人湊。同埋第一場喺成都嘅時候,阿仔成晚喺房度睇,今次問佢嚟唔嚟,佢以為又要困喺房兩個鐘,無得去廁所wee-wee(小便),所以唔肯嚟。」
真人騷播出無期
小春囝囝Jasper留守家中等爸爸。
問小春何時回歸香港演出?他說︰「我都想,但唔到我話事。自己首選都係紅館開,但都有考慮其他戶外場地,例如中環海濱、迪士尼樂園。」另外,小春早前與囝囝Jasper拍內地真人騷《爸爸去哪兒》第六季,但因受內地「限童令」影響,至今仍播出無期,小春說︰「由佢啦,唔識呢啲嘢,有工作咪去做,都無辦法。」他強調無論節目播出與否,與兒子拍攝時已有很大得着︰「可以同阿仔去唔同地方,體驗下人哋嘅風土人情。」
轉載自: 晴報
【你點睇】房租管實施兩年半,工作小組調查發現97.3%租戶未裝獨立水電錶,業主濫收水電費。您認為現行罰則是否過輕?► 立即投票