26/06/2015
18年後再現!玩盡新荔園攻略
精選攤位遊戲
22個攤位各有特色,但要玩晒實在不太有可能,筆者根據經典價值、好玩程度同睇頭幾點評分,為大家精選了以下5個遊戲。
經典掟階磚
18年後,即使經典白箭變成綠箭,但3色階磚依舊一樣,「擲界」依舊平常。今日筆者有點好運氣,毫無技巧地亂掟下竟然俾我中白磚,贏得一排綠箭。相信大家較我更有大志,要努力中紅磚贏走巨大綠箭毛公仔。
必到指數:★★★★☆(聽到銀仔跌落磚上的叮叮聲好有親切感)
所需代幣:1枚(2次機會)
無敵風火輪
又一經典遊戲。眼前排滿玻璃樽,只要把手上的UFO環套進樽頸即中獎,看來容易但好考手氣。
必到指數:★★★☆☆(比起技巧,我更相信更講求手氣)
所需代幣:3枚
大力金剛棒
離遠見到有人用大槌大力打漢堡飽狀的層層疊已令我非常好奇,要即時走到攤位試玩。這個漢堡飽狀的層層疊分了5層,要贏獎品就要用大槌把中間的圓磚打走,但要保留頂及底的磚塊。
必到指數:★★★★☆(考手力又考技巧,有挑戰性當然加分)
所需代幣:2枚
足球小將過3關
未開波先被戴志偉的Figure吸引過去。話明是足球小將當然是要踢波,射中指定方格或成一直線便勝出。
必玩指數:★★★★☆(《足球小將》迷一定要跟人物Figure影相留念)
所需代幣:3枚
我係小忌廉
如果男仔愛《足球小將》,當年的女孩最愛一定是《我係小忌廉》。參加者把星星木碟掟入洞口即獲獎而歸,不過,攤位的亮點是旁邊的小忌廉Figure。
必玩指數:★★★★☆(唔玩都要同小忌廉影番張相)
所需代幣:3枚
【etnet 30周年】多重慶祝活動一浪接一浪,好禮連環賞! ► 即睇詳情