$100可以食到乜？在百物騰貴的香港，普普通通食個晚飯都可能要呢個價，仲要未必可以食到好飽。今次，小編就拎住一張「紅衫魚」，走入紅磡掃街，看看可以食到啲咩？

　　小編由紅磡站B1出口出發，由紅磡走到黃埔花園，走訪了5間地道美食小舖，由於今次小編是一個人掃街的關係，在中午只飲了一盒朱古力奶的情況下，掃盡各大美食後，飽肚的程度是到宵夜時段才感肚餓，變相一餐變兩餐，平均每餐拉勻只需$50。不過，要注意的是，咁食法對胃部同健康都不好，只可偶爾一次。大家不妨約個朋友去食多啲啲，去拉返平啲啲個價錢吧！

建議路線

　　為了讓大家可以慳點腳骨力又可以食得盡興，建議大家參考以下路線。

　　時新快餐店→林記小食→美味佳→紅磡雞蛋仔→一豆花