15/06/2016
下廚煮餐飯給爸爸:蟠龍鱔
踏入六月份,又有另一個特別節日要慶祝的,唔知大家知唔知係咩節日呢 ?
成日都聽到有人話男女要平等,得唔到平等的對待,都可以去平機會申訴,都有可能成功控訴。若果家人受到不平等的對待,他/她們會唔會去平機會申訴呢?
如果有這事情發生,相信大家生活在一個不愉快的家庭裏.....
父母愛錫囝囡,囝囡長大後就應該考順父母,若果上個月大家有為媽媽慶祝母親節,表揚母親的偉大,那麼今個月父親節,大家都要同等對待爸爸,表揚他辛勤地為這個家庭的付出。
做爸爸的要求並不高,做囝囡可以借助媽媽的協助,親自下廚煮餐晚飯給爸爸,他都會非常開心。
今個星期日就係父親節,大家諗唔到煮乜餸,不妨試下跟韋太今期教授的菜色啦 !
烹煮時間: 15 分鐘
份量: 3-4 人
材料:
白鱔 1-2斤
蔥粒 2湯匙
辣椒粒 1 茶匙
豉汁調味料:
豆豉 2茶匙
蒜茸 2茶匙
雞粉 1/2 茶匙
砂糖 1/4 茶匙
鹽 1/4 茶匙
生粉 1/4 茶匙
蠔油 半湯匙
老抽 1湯匙
胡椒粉 少許
菜油 1湯匙
做法:
1. 白鱔清洗乾淨,瀝水,排放在圓碟上。
2. 豆豉沖洗壓爛,與其他調味料拌勻,淋在白鱔上,大火蒸10分鐘至熟,灑上蔥粒及辣椒粒即成。
小貼士:
買白鱔時,請預早告訴魚檔話做蟠龍鱔,魚肉代斬件時不要斬斷。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇