13/05/2015
簡易版馬拉糕
很久沒有做甜品與大家分享。上星期教大家準備左一款蛋糕做母親節禮物,唔知大家有無試做呢 ? 無時間去做唔緊要,有心唔怕遲 !
多年前韋太曾在網誌內分享一個馬拉糕食譜,大受網友歡迎。但做法要花一整天的時間去做,想食都要趁假期在家先可以做到。
時至今天,做開麵包的朋友都知有一種叫低溫發酵方法,於是韋太就將之前發麵種的麻煩程序改為低溫發酵方法去做,都可以話慳番半天在等的時間。
要做到酒樓的出品,當然有一定的難度,原因係要做到好的麵種,大師父的方法都不外傳,就算你手上有食譜,當中都要經過不同的天氣及溫度的變化而會容易令到麵種變酸或壞。
今次韋太的方法係取易不取難,出來的效果都唔算差,大家不妨試下 !
麵種製法 :
材料: 麵粉 40克 + 暖水 20克 + 即溶依士 1/4 茶匙 + 砂糖1/4 茶匙
做法 :
將以上材料拌勻搓成粉糰,用保鮮紙蓋好,放入雪櫃冷藏12-18小時。
用時將麵糰放室溫30分鐘回溫後才使用。
份量: 5吋蛋糕
製作時間: 2小時
主麵糊材料: 蒸籠: (1個5吋)
A) 麵種 60克 + 黃砂糖 40 克 + 黑糖 40克
B) 雞蛋 (大) 58-60 克
C) 花奶 20克 + 菜油 20 克
D) 低筋麵粉 20克 + 奶粉5 克 + 吉士粉 5克
泡打粉 4 克 + 梳打粉 1/8 茶匙
做法:
1. 將材料D) 的粉類混合及預先過篩,備用。
2. 將雞蛋、黃砂糖及黑糖放入大碗內,麵種剪成細片加入碗內,用電動打蛋器中速打約3分鐘至麵糊少許杰身,然後加入花奶及菜油繼續打2分鐘。
3. 將粉加入麵糊內拌勻,繼續用電動打蛋器中速打3-5分鐘至濃稠狀。
4. 將麵糊蓋上保鮮紙,放在檯上室溫靜止最後1小時。
5. 燒熱一鍋大滾水, 將麵糊倒入已墊牛油紙的蒸籠或模內,放在蒸架上,用中大火蒸25-30分鐘即成。
小貼士:
1. 一定要預先燒滾熱水後才將糕放入去蒸,蒸籠與蒸架不要太近,否則麵糊容易沉底變硬塊。
2. 甜味請自行調較,因為各人口味不同。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇