07/09/2016
【小薯求生包】7招贏在死線前
職場如戰場。無錯,打工仔個個都服緊兵役!日日對住個爆晒廠嘅schedule,再加上一堆堆ad-hoc task,就算你孱過孱仔明,一樣逃唔過被迫做戰士嘅宿命,i mean Deadline Fighter囉!試問,有得hea邊個會想chur爆自己?想返工做少陣死線戰士又唔是無可能嘅,以下7個小秘技,即管返去諗諗佢:
7招贏在死線前
1/ 搞清楚狀況:
再忙再無時間做planning都好,打工仔收到指示後,至少要清楚明白整個project嘅要求同目的,等到趕起上嚟都知道從何入手。
2/ To-do-list要排序︰
返工講求multi-tasking,任你係「千手觀音」都好,趕死線時最緊要識分緩急輕重,將要處理嘅項目分階段逐一KO。
3/ 拆件做︰
你懂的,細細件易入口。將整個project分拆成4至5個細件,每個部分再另設死線,做起上嚟都易跟啲啦。
4/ 管理好admin嘢:
每個打工仔都有一定嘅admin工作須要處理,建議最好集齊所有文件朝早「一筆清」,餘下時間便可專心衝死線。
5/ 自我隔離︰
規定自己在n小時內唔上網、唔玩電話,索性戴埋耳筒,令自己更加專注。
6/ 獎勵計劃︰
每完成一個階段不妨獎自己食好西、行街買衫甚至去個短途旅行。返工動力大咗,辦事速度自然會直線上升(好似係)。
7/ 尋求協助︰
做到「腦閉塞」嘅時候,不妨搵同事幫幫手,問意見又好,搵資料也好,搵啱幫手嘅話幾時都事半功倍。
提提你,爆seed趕死線時記住:
1/ 多飲水:
水乃係人類生命之泉。個腦擠唔出嘢嘅時候係應該飲水,而不是coffee or tea。
2/ 每朝「起起錨」:
想令自己提起精神工作,最理想當然係返工前落街跑幾圈。嫌離地?折衷一點,可以沖個熱水或凍水涼幫自己醒醒神。
3/ 變下啦:
轉下工作枱setting,畀啲新鮮感自己。如果工作枱setting無太大嘅改動機會,可以換下部腦個wallpaper,畢竟每日望佢嘅時間仲多過望另一半。
Source: ctgoodjobs.hk
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇