每間公司都有既定的「規矩」，美其名要各位跟從公司文化，提升工作效率乜乜乜。合理與否已不是重點，作為打工仔的一分子，你又會否硬食以下10條犯眾憎規定呢？

1/ 遲到1秒即扣錢扣假

　　唔少公司對於遲到都設有Buffer位，例如返09:00，HR一般會09:15打後先當遲到。但遲到1秒就即扣錢或扣假，做法未免太mean囉！。

2/ 限時/ 限次去廁所

　　每日飲6至8杯水是常識吧。若硬要回到過去，好似小學雞考試般睇住每次去廁所的人數時間，即等同不信任員工。放個水啫……

3/ 同事間唔準傾計

　　團隊合作少不了需要大家互動交流，所以要完全滅聲幾乎無可能，除非閣下做IT、CS等後勤職位。

4/ 規定每日衣著

　　都係嗰句，如果平日唔使出街見客，公司大可放寬衣著要求，讓員工享有更大彈性。但若然有Office規定一定要Day day絲襪高踭鞋化妝blablabla，都咪話唔煩。

5/ On Call無極限

　　17:59收Email先知要OT已經仁至義盡。但世上總有一種老細會24小時用盡任何方法去通緝你，通訊時間甚至超愈另一半，而例牌對白都係嗰句︰「單嘢搞成點？」。

6/ 開會最少發言一次

　　「同事A講得幾好，同事B覺得呢？」每次強迫答問環節，都好似時光倒流返去公開試Oral試場咁，咪唯有hea答一句︰「我都好同意同事A你嘅講法。」囉！

7/ 返工熄電話

　　小學雞做法之最。有客Call有急事唔再講，但熄機後都難保員工繼續用自己的方式玩Fb、上高登、煲《太陽的後裔》。

8/ Lunch時間唔畀留係個位度

　　諗住Lunch time可以鬆一鬆，點知有人規定所有員工不論帶飯、叫飯等都要去公司Canteen食，話要促進同事關係喎，完全唔知咩玩法。其實，人地都係想瞓個覺眠一眠啫。

9/ 所有「雞毛鴨蒜事」都要老細批

　　影一張彩色文件、寄一封信、買一枝筆都要經過填Form、遞表、等批的10萬個程序。得到一枝筆後，最崩潰的是︰新買但斷墨嘅。

10/ 放工前再Report一次

　　一開工report、開會report、放工都要report。有無試過，向老細匯報啲時間仲多過做嘢？如此「不計成本」阻人收工，完全直接或間接影響員工的正常生活。