「咁無骨氣，我先唔會做，至多咪唔撈！」新仔F常常將「骨氣」掛唇邊，其實甚麼叫「骨氣」？像「意境」一樣，相信唯有大學教授能搬出一個學術性強到無人明白的定義。

　　「骨氣骨氣，有骨氣係咪唔使供樓先？」另一邊廂，F的前輩上司沒好氣地說︰「而家啲後生仔，懶有骨氣，勇氣可嘉，但係真係會餓死囉！總之佢無錢開飯唔好嚟追究我！」

　　前輩在公司效力25年，老早上了神枱，竟然還會為一名新仔而動氣，本人認為是件很有火的青春的事。

　　「叫佢對住大老闆時畀返啲反應，佢竟然同我講『唔想出賣靈魂』。」老前輩苦笑兩聲。若非出於愛才惜才，才不必肉緊至此。

　　年輕過的人，大概都做過懶有骨氣的事，例如︰

　　1、堅拒與看不順眼的同事合作

　　2、返工唔笑，還駁嘴︰「而家賣笑咩？」

　　3、不肯「同流合污」，不願在適當時間「當無事發生」

　　4、誓守「清泉」之名，拒絕參與同事的搲關係飯聚

　　5、為不做「二五仔」，硬啃死貓

　　6、被「清者自清」害慘，錯失洗脫罪名的機會

　　7、句句有骨落地，推倒所有落台階

　　8、我行我素，素顏得罪人

　　9、在搞清形勢前，輕言「至多咪唔撈囉！」

　　10、真的未搞清形勢，又真的遞信辭職

　　對著這些「骨氣仔女」，真的不知好嬲定好笑。

　　好些前輩善良親厚，像F一樣明鬧而暗包容；然而殘酷的現實是，扮包容暗放箭的人不少。

　　說到底，骨氣就是原則，不痛不癢的氣吞得就吞，當是人生歷練。唯面對大是大非，「君子有所為，有所不為。」共勉之。

　　原文刊載於ctgoodjobs.hk